尖咀記大排檔 (Closed)

見到新開無耐，試吓掂唔掂。九點幾十點食宵夜，叫咗雞粥、椒鹽鮮魷、肉鬆四季豆、乾炒牛河。粥比較稀，雞無乜調味，當然唔係生滾粥，無乜期望。但個鮮魷切十字花，脆漿唔厚，賣相好靚，但一咬落去，完全唔使𡁻，已淋之之，完全無味，預咗唔係新鮮生猛魷魚，但似係雪咗好耐，喇到淋曬，椒鹽亦都冇乜味，好失望。牛河同四季豆比較正常，但唔算好鑊氣。唯一可取係價錢算合理，呢方面冇伏，食物真係強差人意，希望日後有改善啦，不過應該唔會再嚟，尖沙咀都有幾檔幾好食，有得選擇。