和茶房鐮倉夢見屋 (Closed)

經過愉景新城買嘢， 畀門口呢隻大公仔吸引住， 於是就望下呢間係鋪頭食啲咩， 一步一步就畀呢隻公仔吸引咗入去。原來呢間餐廳係食西餐同蛋糕我就畀一個充滿夏日特色嘅menu吸引住就係呢個香芒大蝦意粉上枱嘅時候每條意粉都充滿著芒果汁， 味道對我嚟講比較酸， 但確實開胃同刺激到味蕾， 份量喺下午茶嚟講都ok。這碟意粉要讚嘅就係呢隻蝦， 總共有兩隻， 比正常餐廳大同埋彈牙， 稍為要彈嘅就係唔夠熱， 食落去係暖同凍之間， 咁又俾我扣咗分喇， 加埋一都成90蚊， 有啲要求都好正常啫。