Tommy Yummy (元點)

Open Now

Now Closed

呢一日三個人嚟咗食泰菜新餐廳Tommy Yummy，叫咗三個lunch set，主菜分別揀咗：香茅豬扒冬陰功泡飯、青咖喱雞肉白飯，同埋泰式金邊粉☺️ 冬陰功酸酸辣辣好開胃，烤飯就係浸晒喺個湯入面，香茅豬扒都好食，啲肉有啲Juicy🥰 青咖喱賣相就一般，但係食落好好味嘅，又香又唔辣😙 至於pad thai 都好香口，都好多隻蝦，啲粉又唔會過濕😋跟餐仲有個小食，分別揀咗蝦餅、魚餅同埋雞翼，但三款都唔好食🤣 蝦餅同我諗嘅好唔同，咬開有啲似肉鬆，好乾但係又冇咩味、魚餅呢就好辣好辣，雞翼係最正常嘅，除咗都有點太柴😛飲品我哋分別揀咗凍美式咖啡、熱泰式咖啡，同埋椰汁斑蘭梳打。美式咖啡飯豆都幾香，泰式就有啲太甜，不過呢個都係預料之內、至於椰汁斑蘭梳打，就有啲似椰汁糕溶咗，斑蘭味唔係好出，不過都算好飲😆整體擺盤好靚，上菜好快，環境都唔錯，打卡一流🥰 今日揀嘅三份餐，每份餐大概$98至$128，另外有加一。