Video
Read full review
2015-02-15
992 views
今日去左又一城想搵間café坐低食個tea，見到戲院門口開左間Sweet-o-logy就好奇睇吓咁。佢佔地面積唔大，但白色主色加少少聖誕燈嘅英國廚窗風就令人一望就覺得佢好cute好精緻。咁我同朋友睇一睇個餐牌就入左去。當日我地大約5點入去，冇侍應企門口嫁，我地行左入去先有人帶位，入面就大約10張枱仔，出面好似仲有3張。叫得枱「仔」就因為真係好細張，枱之間距離又窄，好似就快同隔離連成一體咁真係唔多舒服。不過唔緊要，野食先係重點嘛。張餐牌就真係幾靚幾elegant嘅，內頁仲有張牛油紙令成件事即刻royal左，好符合餐廳個種simple but elegant嘅style。不過有少少odd就係個background music，點解會係播宮崎駿嘅playlist嫁？！喱種裝修我以為佢係播啲jazz or classical，播啲咁cute嘅music唔多match啵！環境固然重要，不過都要叫野食。我地2個綠茶控就叫左2個綠茶嘅甜品啦，一個叫宇治綠茶杏仁waffle($68)，一個係宇治綠茶toast($78)，個全名我唔太記得喇。不過叫完野食侍應先話限坐90分鐘，咁遲講就有少少唔太好，不過好
佢佔地面積唔大，但白色主色加少少聖誕燈嘅英國廚窗風就令人一望就覺得佢好cute好精緻。
咁我同朋友睇一睇個餐牌就入左去。當日我地大約5點入去，冇侍應企門口嫁，我地行左入去先有人帶位，入面就大約10張枱仔，出面好似仲有3張。叫得枱「仔」就因為真係好細張，枱之間距離又窄，好似就快同隔離連成一體咁真係唔多舒服。
不過唔緊要，野食先係重點嘛。張餐牌就真係幾靚幾elegant嘅，內頁仲有張牛油紙令成件事即刻royal左，好符合餐廳個種simple but elegant嘅style。
不過有少少odd就係個background music，點解會係播宮崎駿嘅playlist嫁？！喱種裝修我以為佢係播啲jazz or classical，播啲咁cute嘅music唔多match啵！環境固然重要，不過都要叫野食。
我地2個綠茶控就叫左2個綠茶嘅甜品啦，一個叫宇治綠茶杏仁waffle($68)，一個係宇治綠茶toast($78)，個全名我唔太記得喇。
不過叫完野食侍應先話限坐90分鐘，咁遲講就有少少唔太好，不過好彩我地都唔預坐半日。
咁等左大概5分鐘，waffle就到喇。個賣相好可愛。唔係一般方形個種，係花花形，好吸引。
不過食落口係okay失望。首先，成舊野個口感就真係好單一。
我會expect個waffle係外脆內鬆軟／軟糯、帶住微溫咁上枱，而唔係好似一舊擺左幾個鐘嘅過期雞蛋仔咁，始終都成＄68，其實係唔多值。
其次，宇治綠茶waffle個綠茶雪糕其實都係好重點。喱個價錢我會expect有一球haagan-daz級數嘅雪糕（當然用haagan-daz就冇可能，不過至少係香滑味濃嘅）。一食落口個下就出事喇，點解唔係雪糕質感，而似係綿冰，唔係話唔好食，因為佢個味都好重綠茶味，不個如果係軟滑嘅雪糕球就更好啦。
佢個冰質其實有第二個問題，就係溶得好快。佢又唔俾匙羹我地，用义食雪糕真係好低能呀，喱一點就有啲唔太貼心喇～
宇治綠茶嘅一大配角就係紅豆。不過通常餐廳都用罐頭個種浸過糖漿嘅紅豆，所以係有品質保證好難出事。反面杏仁就係畫蛇添足，同成個甜品唔多夾呀！如果想加強個口感層次，又或者想令個畫面係豐富，cheapcheap地咁加啲脆米咪算囉，效果可能更好添。其實佢提供左一兜仔糖漿。咩味？完完全全係M記熱香餅糖漿嘅味，溝綠茶雪糕係怪到一個點，建議大家ignore佢唔好落。
食完喱個收左食碟toast就黎喇。Timing可以話係啱啱好。我地share野食。張枱其實就真係只係啱啱好放一碟野食，同2隻細碟，多一碟就會冇位。
個toast嘅賣相幾靚，前面啲cream有少少拉花都算係誠意之作，後面就有啲芝麻餅，幾可愛。
咁個toast就有3塊疊左3層，每層又分左3舊有啲似層層疊咁排。咁既然雪糕嘅texture唔係我地鐘意嘅，就唯有直接等佢溶當sauce啦。個toast就明顯有啲蜜糖味，甜甜地幾唔錯。個texture就…我就冇食過太多toast，但dazzling café嘅外超脆內軟質感我係超鍾意。喱個就…有少少韌身，外面係微脆，但係只係茶餐廳伴碟多士嘅貨色，唔多吸引。係切開toast放入口食嘅時候，就發現餐廳有個設計問題，就係張枱又搖，雲石枱面又滑，hold唔住隻碟，搞到砌野好辛苦，唉，食tea食到有啲燥，如果佢再砌細舊啲就好lu～
個toast就平平無奇，點前面啲cream又冇乜味，所以食多幾舊就開始有啲悶。整體黎講，個café環境幾靚，啲野都大份嘅，細食嘅女仔share一份應該啱啱好，但質素好一般，埋單＄180，所以性價都係算比較低，有啲失望，而且唔坐得耐，下次未必再黎lu。
Post
