HighFive (Closed)

裝修簡單舒適，燈光偏暖，感覺好舒服。餐廳分兩part，室內有28個位，室外約有12個位左右。四道菜晚餐 $288，跟餐包餐飲。煙三文魚青瓜卷伴薄荷檸檬紅菜頭汁：賣相好有藝術感，似幅畫多d。將三文魚卷點個汁食，味道好清新。檸檬紅菜頭汁帶出咗三文魚的鮮味。黑松露野菌濃湯：聽侍應講，佢係用幾種菇去製作，飲落好香松露味。但略嫌比較淡口。燒美國穀飼頂級西冷伴牛肉汁：叫咗5成熟，size算大，牛扒味濃，但偏咸少少，算 juicy。自家製意式甜品奶凍：口感好實在，唔似出面食果d奶凍咁水。鍾意奶味重嘅朋友可以一試，我覺得唔錯。餐飲抹茶鮮奶特飲 $38：第一眼感覺係可愛的，因為有隻bear bear 熊，口咸夠滑，但奶味太重，cover 咗抹茶原有嘅味道。但整體食物覺得唔夠熱，建議侍應可主動推薦tonight special，令客人有親切的感覺。