Video
Read full review
2016-03-12
2409 views
觀塘開左好多新特色餐廳 而呢間山脈流川更得到二月份餐廳食評十強，有見及此，本人又住得咁近，當然要黎拜訪一下！餐廳位於工廈三樓，出lift時都想像唔到會有間餐廳係度，門口有我愛既狗狗擺設，好靚呀！ 餐廳採取自助形式，除了有侍應拎菜到你枱上之外，其他都係自便，所以第一個任務就係霸位！今日得12度...坐室外真係唔得掂，好彩最後有張二人枱！枱上有本簿仔和筆，可以畫畫，有人都畫得幾靚架！ 之後就拎本menu睇菜式，點左好受歡迎的香煎帶子墨魚汁意粉，All Day Breakfast，繽紛樂朱古力(我之後發現原來我睇果份menu係少左一頁，其實我係想叫繽紛樂冰山) 候餐時間都偏長，不過餐廳提供棋，書等消磨時間，唔係會等到頸都長！香煎帶子墨魚汁意粉: 墨魚汁好香，食一啖個咀已經黑晒！意粉韌度還可以，帶子有幾粒，但沒有香煎既感覺，而且一上菜，整碟都已經凍了，失望，名過於實！ All Day Breakfast: 沙律菜配上黑醋，新鮮好味！茄汁豆上擺上一大堆香草，但感覺比較求其而且沒有令茄汁豆更好味！炒蘑菇和薯仔粒都失色，沒有炒香，薯仔粒偏硬，而且兩樣都不夠味！炒蛋落了牛
餐廳位於工廈三樓，出lift時都想像唔到會有間餐廳係度，門口有我愛既狗狗擺設，好靚呀！
餐廳採取自助形式，除了有侍應拎菜到你枱上之外，其他都係自便，所以第一個任務就係霸位！今日得12度...坐室外真係唔得掂，好彩最後有張二人枱！枱上有本簿仔和筆，可以畫畫，有人都畫得幾靚架！
之後就拎本menu睇菜式，點左好受歡迎的香煎帶子墨魚汁意粉，All Day Breakfast，繽紛樂朱古力(我之後發現原來我睇果份menu係少左一頁，其實我係想叫繽紛樂冰山)
候餐時間都偏長，不過餐廳提供棋，書等消磨時間，唔係會等到頸都長！
香煎帶子墨魚汁意粉: 墨魚汁好香，食一啖個咀已經黑晒！意粉韌度還可以，帶子有幾粒，但沒有香煎既感覺，而且一上菜，整碟都已經凍了，失望，名過於實！
香煎帶子墨魚汁意粉
$88
39 views
0 likes
0 comments
All Day Breakfast:
沙律菜配上黑醋，新鮮好味！茄汁豆上擺上一大堆香草，但感覺比較求其而且沒有令茄汁豆更好味！炒蘑菇和薯仔粒都失色，沒有炒香，薯仔粒偏硬，而且兩樣都不夠味！炒蛋落了牛奶一齊炒，所以好滑，腸仔有兩款，一款肉感較重有黑埱香味，另一款應該少肉多粉所以較滑身，本人喜歡肉感重的一款！煙肉煎得剛好，沒有過火！牛角包烘熱了，脆口，自己再夾左滑蛋一齊食，好味！
All day breakfast
$98
57 views
0 likes
0 comments
繽紛樂朱古力
$48
50 views
0 likes
0 comments
Post
