Video
Read full review
2019-07-03
417 views
襯假期總想離開屯門、元朗、荃灣，有時明明想過海食下野，去下cafe仔，但由於天氣太熱，目的地就交由巴士決定，邊架車黎就去邊度。今日正是如此，平日好少踏足九龍城，即管遊下車河午飯喺魚蛋粉同茶餐廳之間選擇左後者，聯發同澳牛、發哥至愛嘅關係即使唔係專登去睇報導，都略有所聞。不過吸引到我黎嘅係一眾網上介紹，畢竟出品有賣相嘅茶記唔多聯發位於侯王道，假日中午時分，全店爆滿，不過啊姐英明編配座位、收碟效率高，食客唔需要等好耐就可以入座。好彩嘅好似我地咁2打2搭枱坐安安樂樂，唔好彩嘅櫈都未坐暖就要調位了一般茶餐選擇，價格偏高，常餐60蚊。比較吸引我就係呢個漩渦蛋包飯、炭火叉燒炒蛋飯、茄牛飯等。留意番，枱面狹小，店員有機會要你食到咁上下先好點飲品。火腿炒蛋、牛油多士、沙嗲牛肉一丁 $60牛油多士有烘過，比一般茶餐廳認真少少，收貨。炒蛋色水唔錯，唔會太老，可惜淡而無味。預設出前一丁冇乜大問題，唔會煮到腍哂，牛肉沙嗲味欠奉。漩渦蛋包西炒飯 $78滿滿滑蛋包裹住西炒飯，再插番粒蕃茄，賣相同圖片相符，而且標誌性。炒蛋幾靚仔，並非全熟，仲有蛋汁，不過都係冇味。西炒飯底，入面有腸仔、餐肉，微弱茄味，飯粒偏爛，唔係我
火腿炒蛋、牛油多士、沙嗲牛肉一丁 $60牛油多士有烘過，比一般茶餐廳認真少少，收貨。炒蛋色水唔錯，唔會太老，可惜淡而無味。預設出前一丁冇乜大問題，唔會煮到腍哂，牛肉沙嗲味欠奉。
漩渦蛋包西炒飯 $78滿滿滑蛋包裹住西炒飯，再插番粒蕃茄，賣相同圖片相符，而且標誌性。炒蛋幾靚仔，並非全熟，仲有蛋汁，不過都係冇味。西炒飯底，入面有腸仔、餐肉，微弱茄味，飯粒偏爛，唔係我杯茶。哎啊，可能茄牛飯同叉燒會好食啲？
整體黎講，聯發俾我嘅印象就一般般，環境比一般茶記逼狹啲，店員冇咩服務可言，個人認為澳牛都好過佢(笑)。出品未有驚豔之處，價格偏高，唔會回訪
Post
