TWIST & BUCKLE, Churros Specialists (Closed)

入住逸東酒店，見到房裏面貼住呢個優惠， OpenRice 都有人分享啲雪糕買一送一，於是就去試下。點知去到問店員，佢只係話頭兩行嘅款式先有買一送一，雪糕係冇嘅，有啲失望，不過都試下啦。 焦糖士多啤梨配百力滋及士多啤梨醬 45元雪糕係普通雲呢拿雪糕，冇咩特別。士多啤梨醬唔算太甜，有原粒士多啤梨，份量都算多 。Churros 炸得好脆，上面舖滿糖，比較甜。不過食完個口有陣油益味，要飲多啲水。如果雪糕冇改變，只係得一種口味，我覺得試咗一次，打完卡就算，未必會再試。