Video
Read full review
2024-02-16
298 views
上網見新餐廳, 過節又BOOK到位, 同埋同太太都LIKE泰國野, 打算試下環境唔錯, 裝修有心思, 有寵物友善空間, 室內室外迎合唔同客人需要坐左係偏房, 見到都好多情侶, 叫左野食, 等左一陣先上左杯泰式奶茶, 甜左少少(個人口味)但都叫做好飲... 怎料這就是惡夢開始1. 冷氣太大, 想叫人較細點, 餐廳staff太忙冇留意到偏房客人需要, 唔緊要; 行出去搵男經理講聱, 佢禮貌不太好咁話幫我熄左冷氣, 點知10分鐘後又開番仲大冷氣過之前... (我當有人request開番, 算)2. 叫左3樣野食, 三文魚冷盤, 1個基本既泰式香葉肉碎飯, 同埋1個小食拼盤... 落單半個鐘(上左野飲)先有staff黎話冇三文魚, 要再揀 (都算)... 最後好多野 (連佢主打既泰式小食但都可以賣晒肉串) 都售罄都揀唔到了3. 明白過節多人, 餐廳新開人手同配套上可能未到位, 杯野飲都唔錯; 我同太太都好難得輕鬆咁傾下, 未算最餓, 所以都一直咁等住冇催單 (諗番都覺太好人咁)4. 等左8/9個字, 都真係餓了, 開始催單... 因為叫唔到人, 出去搵男經理同女部長, 就開始黎料了! 男經理話
環境唔錯, 裝修有心思, 有寵物友善空間, 室內室外迎合唔同客人需要
坐左係偏房, 見到都好多情侶, 叫左野食, 等左一陣先上左杯泰式奶茶, 甜左少少(個人口味)但都叫做好飲... 怎料這就是惡夢開始
1. 冷氣太大, 想叫人較細點, 餐廳staff太忙冇留意到偏房客人需要, 唔緊要; 行出去搵男經理講聱, 佢禮貌不太好咁話幫我熄左冷氣, 點知10分鐘後又開番仲大冷氣過之前... (我當有人request開番, 算)
2. 叫左3樣野食, 三文魚冷盤, 1個基本既泰式香葉肉碎飯, 同埋1個小食拼盤... 落單半個鐘(上左野飲)先有staff黎話冇三文魚, 要再揀 (都算)... 最後好多野 (連佢主打既泰式小食但都可以賣晒肉串) 都售罄都揀唔到了
3. 明白過節多人, 餐廳新開人手同配套上可能未到位, 杯野飲都唔錯; 我同太太都好難得輕鬆咁傾下, 未算最餓, 所以都一直咁等住冇催單 (諗番都覺太好人咁)
4. 等左8/9個字, 都真係餓了, 開始催單... 因為叫唔到人, 出去搵男經理同女部長, 就開始黎料了! 男經理話已經催左單, FINE... 過左2個字再出去問女部長, 佢勁大聲當住其他客面前話「已經幫你催左啦」, 勁冇禮貌... 我即刻話佢, 佢就話去跟單... 之後入完廚房再入偏房(坐左幾枱客)先逐枱對番落左乜野單, 差D乜... (即之前可以話係白坐一直冇理過我地既單)... 過程中既語氣都係好大聲暴躁咁, 好似欠左佢咁!
5. 最後等左80分鐘 (7半落單到8點8) 先上到第一個肉碎飯... 冇辣味, 得一片仔香草... 即只係炒免治肉碎飯 (毫無香葉味但有豬腥味)... 唔好食, 實在都太餓, 同埋都諗住會好快上埋小食併盤食完走人, 照食完... 但等多兩個字都冇併盤, cancel單走人...
6. 埋單先, 男經理勁冇誠意勁HEA咁講左句唔好意思 (對眼冇望過人), 貫徹一套的服務
總結, 新餐廳唔係問題, 顧客都會俾點耐性; 但未ready就唔該打番塊試業既牌, 同埋唔好O係情人節呢D時段接咁多客啦... 個個都等到火起, 野食又唔得, 自己倒自己米; 同埋員工培訓確有問題, 冇禮貌, 仲大聲過個客同客嘈, 就算明白人手不足, 呢D服務態度, 影衰既係香港...
最後, 4個字, 永不光顧!
香葉肉碎飯
33 views
1 likes
0 comments
Other Info. :
唔係打開食評的人, 但是次經歷實在不快, 唔希望再有人中伏.... 其實當晚之後我地去左商場另一間既韓國餐廳, 人地一樣唔夠人, 一樣賣晒招牌既野食, 但STAFF禮貌好, 主張介紹番仲有乜野選擇, 令客人都體諒到縱有不足亦已盡力... 最後上來既野食質素高, 乜分都攞番晒
(The above review is the personal opinion of a user which does not represent OpenRice's point of view.)
Post
