Kuru Kuru自家製手作意粉 (Closed)

今日去開荃灣行街街，經過Ikea既商場，聞到食物香氣又開始肚仔餓，見到依到排長龍，人多一定好食，咁我又排隊食下啦。一坐底落完單，服務員就送左個湯，湯用好細既杯裝，好可愛阿上次黎食過重量版加料意粉，今日就叫番個正正常常既試下先。意粉可以自選醬汁同配料，我點了蕃茄意粉配炸雞$12。配料之中，以炸雞最掋食，每件肉質都幾厚幾大粒，都有油份既。蕃茄醬就唔係太多，勝在味道夠濃，都幾好食。意粉就係主打手造，質感都幾特別嫁。