梅丘壽司の美登利総本店 (青衣城1) (Closed)

同friend一齊去食壽司，其他餐廳都好多人，見到呢間人唔多唔駛排隊，就去試下壽司質素如何。食壽司都預左應該唔平（除非爭鮮），希望有咁上下質素。我地嗌左油甘魚+鰈魚裙邊，小肌手握壽司，池魚同香蔥吞拿魚腩。油甘魚比較滑身。油脂較多，雖然口感幾好，但係冇味；鰈魚裙邊好薄，比較軟，口感唔錯但係都係冇味。小肌手握壽司幾好味，小肌魚其實好細條，一舊壽司上就有一條魚，肉質比較結實，好鮮美，幾好味。池魚一上臺已經把可食用既肉挖出黎，方便顧客食用，後面個條魚應該唔可以食。魚肉都切得好厚，油脂幾重，但冇乜味。吞拿魚腩還算好食，feel到吞拿魚好肥美，魚味濃郁，份量都算多。