犇之食堂 (Closed)

疫情前更疫情早期都有黎食過，當時都重要排隊先入到座，多次都係食牛肉麵，覺得都頗好味。今日黎竟然直入，果然……今日唔叫牛肉麵，改食滷肉飯餐，叫左個古早味炸雞件配滷肉飯，加$15叫左黑糖珍珠奶茶🧋。佢嘅下單選擇好多細項，有多飯少飯多汁少汁走葱走蛋等等，飲品都有多冰少冰多糖少糖，最特別係可以揀少珍珠，但黎到珍珠係一樣咁多😂不過少糖珍奶的確不錯，有茶味。古早味炸雞原來係炸完再加多一層甜甜地嘅汁，但個汁令到炸雞林晒，又唔香口，雞肉又無味，鹽酥雞都叫有啲喊味，古早味個汁嘅味只限係層皮度。滷肉飯嘅滷肉色澤較淺，味道不夠濃郁，肉粒肥脂唔香，而且啲滷肉有啲少。成個餐$110，但我覺得物非所值，呢間可以不用再去了。