威仕頓餐廳 (Closed)

依間港式懷舊西餐廳每逢午飯時間都逼滿人，門口仲有345個人要排隊等位，令我好奇心起去試一試，就明白啲人點解要排隊啦，原來質素真係唔錯先睇餐牌，食物種類都好多元化，價錢方面平均一個餐60蚊左右，包埋湯及飲品，算係咁啦。我就叫咗個葡汁雞扒焗飯，算係港式餐廳常點既菜式之一餐湯方面有紅有白，我揀咗羅宋湯，賣相其實普通，但飲落其實好唔錯有少少微辣。個重點係焗飯，賣相好有懷舊味道，一望都知用咗大量芝士，雞扒有舊，雖然係切開一件件，但每件都幾大塊，唔使驚食食吓飯冇餸而且真係新鮮滾熱辣焗好，會買香濃嘅葡汁，成個飯味道真係唔錯睇下可以「拉芝」架餐茶方面我叫左熱奶茶，味道就正常，不過我見人地叫熱咖啡賣相好好，而且咖啡味好香濃，坐係旁邊都聞到下次應該要叫咖啡先係。我見其他人點嘅餐牌上其他食物樣子都好好，其中都幾多人鍾意叫塊牛扒食，都幾靚架，下次要食餐廳食物質素不錯，難怪咁多人排隊都要食，但預咗坐得迫啲架啦。