Video
Read full review
2013-09-28
2119 views
姐妹聚會,飲完傾完有少少肚餓,但過左12點個時間系中環除佐翠花M記之外,少有食肆仍然開鋪. 行至庸記抬頭見到來佬個招牌,快速決定轉入來佬. 之前知道呢間鋪頭系因為呢度宵夜時間D點心系現叫現蒸嘅. 我地試佐4樣野,1) 鵪鶉蛋燒賣 老式點心, 難得見到茶樓有呢樣野, 所以決定一試. 個樣比較小巧, 一口都能夠食到. 入面系豬肉(食落似蒸排骨口感)+一粒完整的鵪鶉蛋. 豬肉幾入味,配上薄薄的燒賣皮, 唯一不足系鵪鶉蛋煮得太過 太硬身, 食落口感唔好。2) 蒸排骨 食點心不好缺少的選擇之一必系蒸排骨. 出品不俗, 肉質滑嫩 入味, 味道岩岩好, 口感又唔會覺得肥膩. 賣相也不錯, 呈上果時果時D肉透亮吸引, 盤底D油亦系清透 睇落就一滴都唔肥膩。3) 鳳爪食點心嘅另一必選項目. 出品亦值得稱讚. 味道岩岩合適 唔會太甜或者太咸, 蒸鳳爪時間亦拿捏的正好, 鳳爪入口即化。 覺得來佬D點心都唔肥膩, 唔似出面有D茶樓食落會覺得好油膩, 適合宵夜時間亦好適合想keep fit嘅女仔。4) 黑松露素菜餃三角形, 餃皮幾透明同埋薄身. 味道唔錯, 黑松露味都幾濃,加埋冬菇粒等多種素菜粒, 粒粒大小都差
姐妹聚會,飲完傾完有少少肚餓,但過左12點個時間系中環除佐翠花M記之外,少有食肆仍然開鋪. 行至庸記抬頭見到來佬個招牌,快速決定轉入來佬. 之前知道呢間鋪頭系因為呢度宵夜時間D點心系現叫現蒸嘅.
我地試佐4樣野,
1) 鵪鶉蛋燒賣
老式點心, 難得見到茶樓有呢樣野, 所以決定一試. 個樣比較小巧, 一口都能夠食到. 入面系豬肉(食落似蒸排骨口感)+一粒完整的鵪鶉蛋. 豬肉幾入味,配上薄薄的燒賣皮, 唯一不足系鵪鶉蛋煮得太過 太硬身, 食落口感唔好。
2) 蒸排骨
食點心不好缺少的選擇之一必系蒸排骨. 出品不俗, 肉質滑嫩 入味, 味道岩岩好, 口感又唔會覺得肥膩. 賣相也不錯, 呈上果時果時D肉透亮吸引, 盤底D油亦系清透 睇落就一滴都唔肥膩。
3) 鳳爪
食點心嘅另一必選項目. 出品亦值得稱讚. 味道岩岩合適 唔會太甜或者太咸, 蒸鳳爪時間亦拿捏的正好, 鳳爪入口即化。 覺得來佬D點心都唔肥膩, 唔似出面有D茶樓食落會覺得好油膩, 適合宵夜時間亦好適合想keep fit嘅女仔。
4) 黑松露素菜餃
三角形, 餃皮幾透明同埋薄身. 味道唔錯, 黑松露味都幾濃,加埋冬菇粒等多種素菜粒, 粒粒大小都差唔多, 睇落入面幾和諧. 美中不足系餃皮太過軟身, 皮身太粘, 夾起會粘系筷子亦或碟上 好易破.
食物分量岩岩好, 四樣野三個女仔食都完唔會覺得太飽同埋亦都唔會太肥膩。 值得推薦ge宵夜之地!! 想試港式點心又擔心太肥膩ge人士亦推薦可以去來佬一試!!
btw, 服務都幾好, 令人覺得舒服。 同埋都幾貼心, 食完點心之後個waiter見我地仍然傾緊, 行過來幫我地收D 碟同蒸籠, 都唔忘加一句 “你們慢慢座住傾啦". 服務源自細節 只系一句話或者一個舉動都能夠卑客感受到服務嘅質素。
Post