極品靚鍋 (Closed)

由開業到依家光顧不下十次，差唔多每幾個星期就會去幫襯一次。起初十分欣賞佢間隔寬敞，食物質素不俗，上餐快等等優點。最近一次光顧，發現食物質素大不如前，8.5吋蟹柳變成8.5吋仿蟹柳，牛肉亦散開一截截，海鮮不新鮮。換左雪櫃之後通道狹窄，飲品數量及種量少左。上餐速度更加慢上加慢，等左好耐都見唔到有食物上。有人話，做耐左，做大左，質素就會變差，依間餐廳正正就係一個好例子。但公道講句，如果係原來既質素，價錢絕對物超所值。