Video
Read full review
2018-08-19
333 views
菲律賓過江龍薯條，岩岩開業初期無論咩時候經過都要排隊。現在人潮已經減退，只需要等三四張單就已經可以食到。溫馨提示：落左單之後，可以行過對面街7-11買包濕紙巾，因為食完後手指一定沾上厚厚的味粉。上星期去銅鑼灣嗰間，叫Jumbo （最細）店員話：「冇晒。」當時以為Jumbo 杯裝已售罄。今日係isquare 等睇戲期間就行咗過嚟食，又係叫Jumbo 點知職員回應：「Jumbo 而家唔賣架啦。」換言之，上次銅鑼灣店員意思係咁解。咁又何解Menu 唔更新一下呢？薯條有四款口味：芝士，奶油洋蔥，燒烤同特辣燒烤。除咗薯條以外仲有哈哈笑（薯餅圈），薯寶同薯片。Mega Size $34Jumbo size （一款口味）再上一個就係Mega size （兩款口味），咁就揀咗芝士味同奶油洋蔥味。一拎上手唔講唔知仲以為自己淨係叫咗一款口味。 份量的確係滿到瀉，係真係瀉出嚟嗰種。諗住行去睇戲，點知一拎完行兩步已經跌咗一堆落地下。奶油洋蔥味：薯條係幼身麥當勞嗰種，不過佢就新鮮即叫即炸，食落口仲熱辣辣而且有鹹香洋蔥味，確係有啲驚喜。不過食多幾條會口乾，加上咁大杯都幾熱氣，可以行過隔離買杯珍珠奶茶。芝士味：一拎
溫馨提示：落左單之後，可以行過對面街7-11買包濕紙巾，因為食完後手指一定沾上厚厚的味粉。
上星期去銅鑼灣嗰間，叫Jumbo （最細）店員話：「冇晒。」當時以為Jumbo 杯裝已售罄。今日係isquare 等睇戲期間就行咗過嚟食，又係叫Jumbo 點知職員回應：「Jumbo 而家唔賣架啦。」換言之，上次銅鑼灣店員意思係咁解。咁又何解Menu 唔更新一下呢？
薯條有四款口味：芝士，奶油洋蔥，燒烤同特辣燒烤。除咗薯條以外仲有哈哈笑（薯餅圈），薯寶同薯片。
Mega Size $34Jumbo size （一款口味）再上一個就係Mega size （兩款口味），咁就揀咗芝士味同奶油洋蔥味。一拎上手唔講唔知仲以為自己淨係叫咗一款口味。 份量的確係滿到瀉，係真係瀉出嚟嗰種。諗住行去睇戲，點知一拎完行兩步已經跌咗一堆落地下。
奶油洋蔥味：薯條係幼身麥當勞嗰種，不過佢就新鮮即叫即炸，食落口仲熱辣辣而且有鹹香洋蔥味，確係有啲驚喜。不過食多幾條會口乾，加上咁大杯都幾熱氣，可以行過隔離買杯珍珠奶茶。
芝士味：一拎上手完全只見到洋蔥味，諗住上下擺放關係，所以嗱嗱臨食晒啲洋蔥味，一直期待個芝士味。點知食咗差唔多¾，先開始見到有小貓幾條。 所謂芝士味的薯條只沾上了極少味粉，同已經混合左洋蔥味粉， 而且食到其中幾條仲有辣味真係百思不得其解，唔知自己仲以為落錯單。 雖然係點左兩款口味，但我本身想食芝士味多啲，點知有咁嘅結果，都唔知自己食咗啲乜。
圖中可見，shake shake粉搖得唔算均勻，並唔係每條薯條均沾上味粉，而且有集中於一邊情況。洋蔥味就俾90分啦，芝士味就。。。
Post
