怡逸軒

Open Now

Now Closed

今晚同屋企人同親戚黎呢度食飯，呢個位都算唔錯，又唔係好嘈。我地就叫小菜食，由於都幾多野食，所以只係講重點食過既野。紅燒豬軟骨個賣相唔多得，但味道都算可以既，唔算突出。北京填鴨個味道比我出乎意料之外既好，配著涼瓜同薄餅等材料，食落都唔錯。但填鴨可以熱就好啦。咕嚕豆腐係咕嚕肉既豆腐版，個咕嚕汁酸酸地，好開胃。豆腐就炸過既，滑滑地好味道。白汁芝士海蝦烏冬煲芝士味好濃，烏冬整得好爽口，蝦雖然好多，但都係好細隻既。沙爹肥牛煲沙爹味好濃，肥牛都可以既。個汁送飯一流。壽包個包好軟熟，但蓮蓉唔夠甜。呢個就差。紅豆沙未飲過咁難飲既，好重陳皮味但完全無紅豆味，似係陳皮糖水多。食物都可以既，一分錢一分貨，交足功課啦。