黑炙 (Closed)

今晚生日飯，朋友想食下串燒飲下啤酒，結果就選擇左灣仔呢間串燒店鋪頭唔算太大，我哋一行八人可以坐一間房，感覺幾私隱度高全晚食咗好多唔同嘅串燒，我最鍾意既係燒鱈魚干同雞泡魚干，好香濃嘅魚味，燒得好乾身但加埋 d 燒汁感覺好 juicy另外燒雞翼，燒豚肉串都燒得好好，雞翼燒完鎖住肉汁，所以好 juicy，另外燒豚肉串亦燒得好入味，加埋調味粉送啤酒一流比較覺得普通嘅係個叉燒包，份量比較少，叉燒亦唔算太特別，可能叉燒都係燒味咁整會好食 D，但加埋個包，感覺冇咁油膩串燒店黎講，呢間價錢算中上，但食物質素相對都算中上，但未至於會令人有食完要再黎食嘅衝動