Shine (Closed)

晚餐諗食咩都好頭痛，呢個時候我就會揀啲之前食過又唔錯嘅餐廳，有信心之外更唔怕會失望。今次再到Shine進餐，質素都係保持到，仲試咗啲之前無食過嘅菜式。秘製凱撒沙律最近食肉太放肆，找個平衡點當然要點沙律中和吓，飲食均衡都好重要，但其實我地點呢個沙律都偷雞點咗有Parma Ham嘅，另外更可配煙三文魚啊！沙律菜好新鮮爽脆嘅口感又醒胃，特別鍾意好脆麵包粒同煙肉碎，煙肉乾得嚟仲食到佢嘅味道仲帶少少甜味添，帶啲似豬肉乾嘅香味。Lobster Bisque沙律之外點少得湯，我地就點咗龍蝦湯，之前聽過朋友推介，果然好濃郁，除咗龍蝦嘅鮮味仲帶啲蔬菜嘅甜味，飲落都無乜易膩啊！燒西班牙黑毛豬扒配蘋果蓉主菜西班牙黑毛豬扒仲可以揀要幾成熟，我地就揀咗7成。豬扒好厚一塊，內裡做到粉粉嫩嫩咁，因為夠厚切所以鎖到好多肉汁同埋咬落都好多肉汁爆發。不意外地外層焦脆部分好香口，而內裡肉味都重。側邊配菜都幾多，椰菜花、蘿蔔、蕃茄仔等等。其中幾驚喜佢地嘅薯皮，幾綿密又多咗重口感，再有啲忌廉包裹住，連配菜都唔馬虎呢！