大喜屋 (Closed)

今晚，我同女朋友去左尖沙咀間大喜屋食放題。佢一見到2本叫野食既簿就好開心～由A至M，又真係幾多款。一開始，梗係食前菜先啦，蟹籽沙律、枝豆同八爪魚都幾好味，每份少少地，就可以食多好多款！之後，食左牛肉鍋，個牛肉即時整熟，都幾香口。當女朋友好開心咁食緊刺身既時候，我就係度食芝士焗蠔，隻蠔大大隻，食完再ENCALL就知幾好味！另外，仲好想推薦佢個wasabi，因為夠哂辣，令d野食更加入味。仲有好想推介佢個天婦羅蝦同蟹柳，我同女朋友又係食完再食～個炸粉唔厚又香口！第一輪刺身唔記得影相，第二輪再食左虎蝦、鮑片同甜蝦，因為最中意呢三樣～真係好鮮味！最後，黎個好鮮甜既海膽手卷！d海膽真係好鮮味，2個人加埋食左9個手卷～哈哈！最後女朋友已經食唔落甜品，我就食左個Haagen-Dazs既雪糕，埋單$238加一，抵！