Video
Read full review
2024-08-10
360 views
以前讀書時呢間餐廳係飯堂，是日重遊舊地，諗住呢間餐廳可以係度生存咁耐，一定有佢既過人之處，所以同屋企人揀返呢間餐廳來食。叫左個六人餐，食物質素真係差左好多，直情有啲食物係唔新鮮。1. 拼盤：春卷 蝦餅唔脆唔熱豬頸肉有陣急凍蘇味。2. 冬陰功湯：唔熱，又唔點個蠟燭🕯️係下面保溫。啲蝦係霉的。3.咖喱蟹：個汁好味的，蟹唔係好新鮮。4.牛柳粒：肉可以，但汁得個咸字。其他無評既野食，都好普通。不過不失。最緊要係服務態度好唔掂，話說差左一杯野飲，好耐未見，同侍應追左1次，個男侍應話，落左單架啦，然後一啲都無理過。確實啲野食好咸，好口渴，再追多次，佢唔係幫我去追追單，而係直接又應我，頭先落左單架啦！雖然你對你自己落左單好有信心，但廚房係咪都有機會漏單，但你完全唔去廚房睇下發生咩事，點解漏左果一杯野飲咁耐都未到，做下假動作都唔做，我覺得態度有啲問題。然後我同另一位女侍應講返：仲有一杯野飲，好耐未到。女侍應生本想幫我去睇下，但呢個時間男侍應即刻衝出來同個女侍應講，頭先已經落左單架啦，想阻止佢去廚房問下。去到呢個時候，我真係好嬲。最後埋左單，等左一陣，又要人催先上甜品。我估如果唔係自己醒起仲有甜品，走左都
1. 拼盤：
春卷 蝦餅唔脆唔熱
豬頸肉有陣急凍蘇味。
2. 冬陰功湯：
唔熱，又唔點個蠟燭🕯️係下面保溫。啲蝦係霉的。
3.咖喱蟹：
個汁好味的，蟹唔係好新鮮。
4.牛柳粒：
肉可以，但汁得個咸字。
其他無評既野食，都好普通。不過不失。
最緊要係服務態度好唔掂，話說差左一杯野飲，好耐未見，同侍應追左1次，個男侍應話，落左單架啦，然後一啲都無理過。確實啲野食好咸，好口渴，再追多次，佢唔係幫我去追追單，而係直接又應我，頭先落左單架啦！雖然你對你自己落左單好有信心，但廚房係咪都有機會漏單，但你完全唔去廚房睇下發生咩事，點解漏左果一杯野飲咁耐都未到，做下假動作都唔做，我覺得態度有啲問題。然後我同另一位女侍應講返：仲有一杯野飲，好耐未到。女侍應生本想幫我去睇下，但呢個時間男侍應即刻衝出來同個女侍應講，頭先已經落左單架啦，想阻止佢去廚房問下。
去到呢個時候，我真係好嬲。最後埋左單，等左一陣，又要人催先上甜品。我估如果唔係自己醒起仲有甜品，走左都唔知有。
Anyway 呢餐飯體驗好差，質素差，服務差。破壞晒我既回憶。以後唔會再去！
Post
