棋哥燒鵝 (Closed)

疫情期間開始嚟呢度食，覺得叉燒同手撕雞幾好，杯奶茶OK。最近再去已經完全唔同左，個阿嬸係咁迫人搭枱，明明間舖到我一點離開嘅時候都得四成滿，而且態度勁差。叫左叉油雞飯，叉燒嘅份量同水準保持，但油雞就令人失望，份量極小，我已經叫雞胸，但佢哋只係俾D邊邊角角，加埋都冇骰仔咁多嘅雞肉，而且雞肉本身好乾好柴，感覺似雪藏雞，冇鷄味，唔似專業燒味舖。唔明香港地今時今日D餐廳老細都仲諗唔開，為左鏗小小就寧願冇回頭客。