驚安燒肉商店

Open Now

Now Closed

一入門口reception同事就有積極同我哋介紹本店推介同Sapporo 啤酒買一送一優惠！ 對於鍾意飲酒嘅我哋嚟講，食日式燒肉點可以唔整番杯。 蟹肉蘋果沙律，清新得來之餘，蟹肉都好鮮甜，好開胃。 蝴蝶切和牛牛頸脊，呢個部位比起平時enjoy和牛脂肪嘅油香味，更加出嘅係牛本身嘅肉鮮味，用嚟做燒肉嘅第一個course非常適合。 和牛壽喜燒，一個稍為有少少儀式感嘅部份。職員會問咗你要幾成熟之後，喺你面前用火槍幫你燒，燒熟後再沾上黑松露醬油蛋黃在和白飯一啖過食。醬汁調味非常好，和牛部份燒到恰到好處，同喺日本食到嘅味道一模一樣。 和牛多士，呢個係我最驚艷嘅一道菜。多士嘅厚度啱啱好，充滿着牛油嘅香味，燒得非常脆，一啖咬落去，和牛外香內軟，可以話係入口即溶。性價比非常高。 原條手切牛舌，上菜時候職員有話想食就叫佢哋來燒。以$115呢個價錢嚟講份量好足。牛舌嘅紋路都好靚。燒起嘅牛舌居然會有炭燒嘅味道！咬起嚟一啲都唔韌。 整體嚟講，餐廳選用嘅和牛質素都好好。擺盤亦都10分精緻，環境舒服，以日式和牛燒肉店嚟講，係一間性價比好高嘅店舖。