八百善 (Closed)

第一次食呢間嘢，舖頭裝修不過不失，餐牌圖片尚算吸引，但原來係個伏。嗌左個日式牛肉火鍋定食，黎到個賣相已經覺得麻麻，同圖片好大出入，碗白飯好乾，好似隔夜飯，明顯落唔夠水煲飯，珍珠米落嘅水係要比普通白米多，咁基本嘅嘢都唔識做乜嘢日式料理？然後個火鍋湯底，明顯就咁倒壽喜燒汁加水，甜到嘔，一尾得個死甜，咩味都冇。肉嘅份量算係合理，其他配菜已經甜到食唔出味。啲串燒係啲廉價嘢，唔使功架，齋整熱食得。整體而言，難食仲要過$100先簽得卡，失敗仲要加一，唔覺有咩服務可言冇下次！