Video
Read full review
2019-10-02
1955 views
是咁的~~因為手頭上嘅cash dollar就黎到期，儲埋儲埋都唔少想一炮過食餐好西，所以就揀左千両！今次就同女朋友仔加埋老媽子三個人一齊黎拆餐勁嘅！千両分店都好多，而且據講食物質素間間會有唔同就算係食物供應都可能有唔同，一年幾前就同女朋友仔食過中環果邊，今次就試下尖沙咀啦！收工過黎食比較方便呀嘛大約夜晚七點半黎到，都唔洗等位可以直入餐廳環境梗係比同集團嘅元氣更好（梗係啦連價錢都高好多）打開menu都有好多野想食，今次三個人就唔怕叫多d喇！本人就非常鐘意食牛舌，基本上去親一間餐廳如果係有牛舌嘅話都會叫，今次都叫左兩串燒牛舌！即叫即燒，送上枱果陣熱辣辣，燒嘅火喉啱啱好，牛舌外層乾身內裡軟熟，又有牛舌獨特嘅香味！呢樣燒得好好食！！黎食日本野又點少得刺身呢！千両有好多款刺身又有d刺身拼盤，不過個人覺得刺身拼盤冇咁抵食同唔係好適合三個人，所以都係揀定一款黎叫好過！最後叫左三文魚腩刺身！雖然只得四片亦唔係厚切，但刺身非常新鮮，咬落去d三文魚油即刻喺口腔入面湧出黎，成個口充斥住呢種三文魚油香！好正呀！！不過食三文魚腩刺身真係一至兩片就啱啱好，為食食得多嘅話隨時會太膩搞到唔想食其他野圖中呢樣係牛油果
千両分店都好多，而且據講食物質素間間會有唔同就算係食物供應都可能有唔同，一年幾前就同女朋友仔食過中環果邊，今次就試下尖沙咀啦！收工過黎食比較方便呀嘛大約夜晚七點半黎到，都唔洗等位可以直入餐廳環境梗係比同集團嘅元氣更好（梗係啦連價錢都高好多）打開menu都有好多野想食，今次三個人就唔怕叫多d喇！
本人就非常鐘意食牛舌，基本上去親一間餐廳如果係有牛舌嘅話都會叫，今次都叫左兩串燒牛舌！即叫即燒，送上枱果陣熱辣辣，燒嘅火喉啱啱好，牛舌外層乾身內裡軟熟，又有牛舌獨特嘅香味！呢樣燒得好好食！！
黎食日本野又點少得刺身呢！千両有好多款刺身又有d刺身拼盤，不過個人覺得刺身拼盤冇咁抵食同唔係好適合三個人，所以都係揀定一款黎叫好過！最後叫左三文魚腩刺身！雖然只得四片亦唔係厚切，但刺身非常新鮮，咬落去d三文魚油即刻喺口腔入面湧出黎，成個口充斥住呢種三文魚油香！好正呀！！不過食三文魚腩刺身真係一至兩片就啱啱好，為食食得多嘅話隨時會太膩搞到唔想食其他野
圖中呢樣係牛油果炸軟殼蟹卷，有四件價錢亦唔算貴，呢類型嘅卷物最緊要就係中間嘅炸物會唔會成口油，牛油果本身都係偏油脂類型嘅蔬果，如果中間嘅炸物又係炸到勁油嘅話就好易弄巧反拙搞到好難食但呢份小卷就冇呢個問題喇！炸軟殼蟹非常出色唔會一咬落去就咇曬d油出黎而牛油果亦都切得較薄咁就唔會油上加油喇！出色！
呢鍋係清酒煮蜆，上枱之後會再幫你點火加番熱個鍋，主角呀蜆來頭應該唔細，唔係d普通蜆，食落一d沙都冇而且隻隻都大大隻兼且非常鮮甜，食蜆最緊要係冇沙同鮮甜，好多地方煮蜆都會靠d汁 啫係清酒果d 用濃味去蓋過蜆嘅唔新鮮嘅腥味，但呢到完全唔需要，每隻蜆都係爽口鮮甜而佢嘅湯汁只係用作提鮮而唔係遮醜布！又一碟出色嘅食物！
咁又點少得壽司呢！壽司唔止呢碟不過之後上枱果d唔記得左影，所以得呢碟有圖呢碟壽司有榮螺，帆立貝，螺片，中拖羅，和牛，赤蝦同鰻魚！榮螺好抵食！22蚊兩件，而且螺肉非常大塊，咬落彈牙但螺味唔算太重，不過都係新鮮同抵食嘅！帆立貝就非常出色，我就食生嘅兩位女士食火灸，帆立貝肉質厚實，口感爽滑，而且有好香嘅帆立貝味！非常鮮甜！！呢件帆立貝非常出色！螺片亦都係22蚊兩件，而且個人鐘意佢仲多過榮螺，因為榮螺係彈牙肉厚果種，但螺片就係爽脆嘅質感，係完全兩回事黎，都係非常抵食！中拖羅！！雖然成三十幾蚊一件但實在係物有所值！中拖羅魚油非常充足但唔會油到過火果種，魚身依然保持乾爽啫係新鮮切出黎唔會擺左好耐！呢一類型咁足魚油嘅壽司一擺得耐就會見到有油流出黎，當見到咁情況其實好危險，淨明佢解凍左好耐或者切左之後擺左好耐，非常易滋生大量細菌！不過呢到當然冇呢個問題啦！肉身顏色光澤一睇就知係正野！好多地方切拖羅都有一個通病就係有筋，但呢到嘅師傅亦非常細心同好手勢一d筋都冇！咁就可以盡情享受吞拿魚獨特嘅魚油香喇！個人覺得吞拿魚嘅魚油係比起三文魚油更加香更加澎湃豪邁！所以我都好鐘意食中拖和牛壽司火喉都掌握得幾好 目測係around 五至六成熟，呢個範圍就最食到牛肉嘅質素又唔會太生，靚嘅牛要五成或者更低先係發揮到佢最大嘅牛肉香！呢到嘅和牛壽司都非常香又唔會太肥！不過我果件就有筋有渣，有d失望喇火灸赤蝦我係冇食到因為我食左生嘅赤蝦壽司大大隻 非常新鮮甘香！正呀呢碟最後介紹嘅係鰻魚壽司，價錢亦唔貴好似三十幾蚊兩件，而且呢度嘅鰻魚肉質細嫩幼滑，燒得啱啱好，呢到亦提供左一包鰻魚汁俾你自己落，我食第一件唔記得落之後先落番，發現原來兩種係唔同嘅食法！如果唔落鰻魚汁 反而食到佢嘅鰻魚香味，而落左汁就好香濃，個人覺得唔落汁反而更好！
除左呢碟壽司之外其實仲有食到其他野不過可能食到太興奮搞到唔記得左影相黎到千両就梗係有叫到佢地嘅千両壽司，千両壽司一件都成五十幾蚊但用料絕不馬虎，一件細細件嘅壽司就用上吞拿魚腩蓉、海膽同三文魚籽！海膽非常鮮甜一d明礬味都冇（一d預先包裝好冇咁新鮮嘅海膽一般都會用明礬黎浸住作保存，但因為咁d明礬味係好難清除）、吞拿魚腩蓉一d筋都冇而且香而不膩，配合埋三文魚籽嘅口感同鮮甜味，三者結合埋一齊你就會發現點解一件細細件嘅壽司都值五六十蚊另外亦都叫左份汁煮鱈魚鮫，我以前曾經喺其他食評到提過鱈魚同銀鱈魚係有分別但好多餐廳會用鱈魚黎扮昂貴嘅銀鱈魚黎提升自己嘅利潤，不過千両開宗明義表明係鱈魚黎，呢點都絕得一讚！重申番雖然鱈魚冇銀鱈魚咁貴，但而家要買鱈魚食都唔係好平嫁鱈魚肉質結實富口感，魚味香但魚油唔多一般都會用黎煎或者燒，但原來用準煮嘅方法都好夾到鱈魚，甜甜地嘅醬汁更能提升到鱈魚獨特嘅香味，正呀！！
最後梗係食下甜品先叫做完美嘅句號！女朋友仔同老媽子就叫左雪糕糯米滋，開頭都有擔心過會唔會係好似維記糯米滋咁，唔係話果d唔好食，咁但係黎到千両梗係想食特別d嘅野，點知真係有驚喜！呢份糯米滋嘅皮係做得非常出色，比坊間一般嘅厚，但佢厚得黎又非常煙靭，單食塊皮仲有淡淡嘅糯米香！好正！而我就叫左喺日本食過就愛上左嘅水信玄餅！香港有得食水信玄餅嘅地方唔多，咁啱見到就一定會叫！水信玄餅係日本好出名嘅一種甜品單睇外貌已經非常吸引！晶瑩剔透！傳統食法係要撈埋黃豆粉同黑糖，因為水信玄餅本身就冇味好似台灣嘅寒天咁，咬落清涼爽口配合埋黃豆粉同黑糖就變得甜甜地但依然保持到果種清爽，唔會甜得濟！好味！
總括黎講，千両係好高質嘅日本料理店！當然價錢都有番咁上下，所以都唔會成日黎食，不過黎得呢到食就一定唔會令你失望！
Post
