Video
Read full review
2019-06-15
4882 views
朋友話同我補祝生日飯，就揀左呢間價錢偏向中規中矩既酒店buffet，廢事食左佢隻車😌Book左18:30，準時去到所有野食已經ready好呢期主題係海鮮，冷盤櫃有龍蝦、青口、長腳蟹同螺，而且refill得幾快，一清盤即刻又換一盤新既。龍蝦唔算太大隻，帶蝦膏，入口幾新鮮鮮甜。Buffet一定要食西冷，呢度仲有我最愛既羊架牛扒肉味濃郁，生熟拿捏得宜，夠嫩身，唔洗額外調味。羊架燒得夠香口，入口帶油脂香，同樣嫩滑不韌反而pork ribs就麻麻，痴骨，唔多肉熟食類仲有蒸魚、扇貝、紅酒炆牛腩、燒鴨等。紅酒炆牛腩炆得勁入味，紅酒味突出，牛腩肉厚唔肥，又夠稔扇貝大隻厚肉，加埋蒜粒同粉絲口感豐富鮮味，難怪一出每人都夾兩三隻呢度既刺身質素幾好，夠新鮮，特別係鯛魚、帶子同tuna，厚切軟嫩。蟲草花煲雞，藥材味十足，甘甘甜甜，可惜入口太油又偏鹹，哂左甜品區都幾多選擇，有得自製格仔餅糕點選擇唔多，得幾款朱古力蛋糕幾好食，中間夾左脆脆，令海綿蛋糕無咁單調，加上味道偏苦甜，食落唔會漏燕窩燉蛋幾滑，但味道偏淡，無乜奶香，燕窩本身又無乜味，不過不失。桃撻撻皮薄而鬆脆，黃桃幾清甜，加埋內餡既吉士酸甜開胃仲有豆腐花同自選
Book左18:30，準時去到所有野食已經ready好呢期主題係海鮮，冷盤櫃有龍蝦、青口、長腳蟹同螺，而且refill得幾快，一清盤即刻又換一盤新既。
龍蝦唔算太大隻，帶蝦膏，入口幾新鮮鮮甜。
Buffet一定要食西冷，呢度仲有我最愛既羊架牛扒肉味濃郁，生熟拿捏得宜，夠嫩身，唔洗額外調味。
羊架燒得夠香口，入口帶油脂香，同樣嫩滑不韌
反而pork ribs就麻麻，痴骨，唔多肉
熟食類仲有蒸魚、扇貝、紅酒炆牛腩、燒鴨等。
紅酒炆牛腩炆得勁入味，紅酒味突出，牛腩肉厚唔肥，又夠稔
扇貝大隻厚肉，加埋蒜粒同粉絲口感豐富鮮味，難怪一出每人都夾兩三隻
呢度既刺身質素幾好，夠新鮮，特別係鯛魚、帶子同tuna，厚切軟嫩。
蟲草花煲雞，藥材味十足，甘甘甜甜，可惜入口太油又偏鹹，哂左
甜品區都幾多選擇，有得自製格仔餅
糕點選擇唔多，得幾款朱古力蛋糕幾好食，中間夾左脆脆，令海綿蛋糕無咁單調，加上味道偏苦甜，食落唔會漏
燕窩燉蛋幾滑，但味道偏淡，無乜奶香，燕窩本身又無乜味，不過不失。
桃撻撻皮薄而鬆脆，黃桃幾清甜，加埋內餡既吉士酸甜開胃
仲有豆腐花同自選配料，想幾豐富自由配搭以三百幾既價錢食物種類都算多，加上環境幾舒服，服務又幾好，會考慮再黎！
Post
