熊築地 (Closed)

喺銅鑼灣告士打道都可以食到親民價嘅手卷，絕對要感恩。通常食手卷我都會分三樣嘢評分：紫菜，飯同刺身，熊築地呢個甜蝦三文魚腩手卷雖然唔稱得上驚為天人，但係各方面質素平平穩穩，唔錯。首先塊紫菜係脆嘅（呢樣好重要，因為一腍咗就絕對影響口感）；其次，飯粒黏度控制得唔錯，醋味亦唔算重手；最後就係三文魚腩同甜蝦，份量唔算孤寒，食落亦算新鮮肥美，以呢個價錢嚟講，絕對收貨。