韓登 (Closed)

年初三夜晚先搵野食，無咩選擇就去左the one 度望下最高幾層有咩好食。最後簡左食韓國菜。去得the one 食都知唔會平得去邊，但希望都好食，食得都值得。睇到餐牌，樣樣湯麵呀，飯呀，都要$100左右，連紫菜卷都要65，所以最後都係一人叫左一個粉絲豬肉拌飯同辛辣海鮮湯麵。落左單之後就即上韓國前菜，都係啲餣嘅野，泡菜，通菜，乾魚仔，魚板咁。泡菜特別好食。等左唔洗10分鐘兩個餐都上到，粉絲飯份量好多，女仔應該會食剩。粉絲煮得有彈性，味道剛好，唔咸唔淡。但豬肉只有幾片，相當少，而且肉質有點粗。另外嘅辛辣海鮮湯麵辣嘅程度可以接受，同樣好大份。湯底只可以伴麵飲少少，如果就咁飲太咸同辣，但其他配料同海鮮都算係足料。兩樣野嘅質素絕對可以係尖沙咀韓國街搵到，仲要只要一半嘅價錢便可。食韓國野無謂去the one 食。