Thainan Chicken ขุนทอง

Open Now

Now Closed

今日去咗中環呢頭返工 ，放工嘅時候個肚已經打曬鼓。一行出黎就見到呢一間鋪頭， 睇見個menu係主町泰國嘢 ，啱曬我口味。入到去叫咗四分一隻海南雞， 豬頸肉泰式沙律，之後仲發覺可以叫隔離舖嘅串燒（不過後來望下原來係同一間鋪頭嘅）於是乎嗌咗個串燒牛仔骨，同埋串燒珍寶大蝦。先嚟咗海南雞，望落去鮮黃色，感覺十分之新鮮，雞絕對係嫰滑嘅，同埋已經去曬骨啖啖肉 有雞嘅鮮味 鮮嫩，仲有兩隻醬畀你點， 好味道。之後就嚟咗個泰式豬頸肉沙律，豬頸肉嘅數目超乎我想像，而且都係燒出嚟㗎， 燒到啱啱好十分惹味。 沙律就係辣辣地，酸酸地 個酸辣度啱啱就係我嘅口味， 食到十分之開胃。 跟住落嚟就係串燒牛仔骨 ，廚師落左啲甜甜地嘅醬，應該係一啲特製醬汁 ，成塊牛仔骨肉汁仲鎖咗喺啲牛肉入面， 非常好味。跟住就係珍寶大蝦，一攞出嚟都嚇親，真係好大隻，而且非常之香，啲蝦肉唔會乾爭爭，又有咬口，隻蝦係十分新鮮，呢間野下次要再次。