秋香 (黃金海岸商場) (Closed)

假日又同老公跑步美食團！今次屯門跑去黃金海岸，上網search就搵咗呢間黎試吓，假日午餐餐牌，選擇唔算少，但又好似有啲唔夠，最後叫咗豬軟骨豚骨烏冬配珍寶吉列蝦同蒜辣牛粒煲仔飯，另加$25升級飲品同$20炸唐楊豆腐。首先上麵豉湯，夠熱正常，豆腐唔錯價錢亦唔貴，嘢飲$25就有啲貴，煲仔飯幾有驚喜，除咗啲牛肉粒有少少筋之外，飯底有少少飯焦同好多菇，配埋好夾好味，牛肉粒亦幾多，豬軟骨烏冬都幾好食，夠腍，蝦炸得好食，又夠大隻，直程正啦！整體食物有水準，服務都唔錯，可以一試。