Le Marron (Closed)

置身商業大樓內，始終是餐廳，門面不一樣。大門進入，溫馨家庭感覺坐下來，可見街景今日餐單，如餐廳般有得㨂香噴噴的麵包籃，有四款，每款兩件，ok水準。二個人分食，一份肉一份海鮮，先講肉，酥炸田雞腿，份量唔少，真的很酥脆，肉又唔乾，炸得好好，個籃都食得，係炸麵粉做。同一時間，上埋香煎帶子，見到煎到金黃色已經好吸引，但又怕煎得太乾，因為近期鐘意食個心生生地的，好彩都係半生熟，中央有好大條的菇菌，淋滿沙律醬，咁就唔會唔夠味，旁邊係新鮮無花果，估唔到都幾好。食完主菜，要個雪葩洗洗味覺。主菜我食穀飼牛，見佢焦焦地咁樣，食落肉質很很很嫩！只見有少少肥膏，都煎到香脆，感覺唔油，一份都好大塊。甜點係梳乎厘及芝士卷，我鐘意梳乎厘，入口即溶，甜美但不太飽肚；芝士卷都好香脆，但實在好多，感覺脂肪都多咗！水準好好，$700左右一個人。