壽司郎 (Mikiki)

Open Now

Now Closed

壽司飯鬆散，未夾就碎。碟碟壽司嘅壽司飯 魚生 配料完全分離，唔講以為要自己砌返嚿壽司出嚟，迴轉帶上果啲仲出色，好似輪迴左十個鐘經歷過大風大浪咁（雖然應該從來都冇人會食迴轉帶上嘅壽司）。嗌左有兩碟火灸壽司冇燒過咁，一啲燒嘅痕跡都冇。食過咁多次壽司郎，雖然都覺得平均每間分店嘅質素都每況愈下，但從來都未至於差到完全唔想再去。哩間真係比其他平價壽司店嘅質素仲衰好多。唯一比較好啲嘅係燒芝士八爪魚壽司，其他真係不了。環境方面，坐個位咁啱冇冷氣咁，食到出汗，唯一冇問題嘅係服務質素（因為除左帶位同賣單都冇咩需要服務）。