HIPOT (Closed)

呢一日同家人黎左呢度食，好彩既係我地算幾早黎到。唔係既就有排等啦，都唔知要等幾耐。都有段時間無黎，八蚊一碟既牛肉加到十五蚊。個任飲汽水及甜品就加到十二蚊，加價都無聲咁加。火鍋配料牛肉都成十五蚊一碟，但都係得五小片牛肉。我記得以前八蚊一碟既時候仲多架，乜成本升得咁緊要咩？可幸既係，牛肉都幾新鮮，又有肉味。芝士墨魚丸我以為係手打果隻，原來只係普通既街市芝士丸。仲要索價四十八大洋，有乜理由呀！牛片呢個唔算差既，幾淋同好新鮮。蝦滑呢個唔差既，蝦滑好新鮮同好滑。魚片唔好食，因為唔太新鮮同味道唔太好。甜品杏仁茶呢個唔錯既，因為好重杏仁味同唔算太甜架。之前都覺得呢間野幾抵食，但而家唔多覺啦。雖然入座內個半鐘頭內結帳可以有八八折，但野食都唔係太得。仲要食得咁趕，為乜呢？