添好運點心專門店 (Closed)

年初四去幫襯，人都唔算多，等咗十分鐘就有位。限聚期間，雖然人唔算多，但可能環境設計問題，感覺上好嘈。兩條友，叫咗6樣嘢。先嚟咗兩碟腸粉，腸粉啲蝦嘅份量非常少，豬潤亦都異常地薄，腸粉皮亦爛爛地。燒賣皇不過不失。腐皮卷咬落好脆口，食得出係新鮮炸出嚟，蝦嘅份量都適中，值得一讚！咸水角裡面近乎冇餡，食落就係一層好厚嘅粉攞去炸。牛肉球個賣樣極之差，好似一團粉咁，咬落完全係冇口感可言。