浪人日本料理 (Closed)

呢一間浪人日本料理佢同其他放題唔同既就係除咗點心紙之外，佢出面都放咗好多食物例如燒物，冷盤，刺身等，仲有好多唔同既飲料。佢嘅冷盤有好多種，包括正常嘅中華沙律，豆腐，溫泉蛋，仲有一啲西餐例如蜜瓜火腿，沙律菜等等，質素都幾高。湯呢佢有粟米湯同埋麵豉魚頭湯，粟米湯好好飲，麵豉魚頭湯好鮮味， 冬天飲番一碗真係一流 。至於燒嘢食有羊架，西冷牛扒，腸仔，菠蘿，帶子等海鮮，同埋唔同嘅肉類。燒肉好高水準，唔會燒到過老，啲肉汁仲保持到 。壽司有海膽，鮭魚籽，鰻魚。刺生有希靈魚，三文魚，北寄貝，鮑魚等一般日式放題都有嘅，但係食得出好新鮮，一d都無怪味。至於點心紙有唔同嘅炸物，而我就嗌咗天婦羅，芝麻雞翼，芝士焗蠔，芝士帶子呢幾樣嘢印像比較深刻，因為真係好好食。至於甜品呢，個甜品櫃入面有多過十五種甜品，佢啲甜品普遍都好出色，尤其係芝士蛋糕，真係encore咗好多件。