上海點匠滬點小廚

Open Now

Now Closed

今日去開佐敦嗰邊做嘢，夜晚見到一間新開嘅上海小店，突然好掛住小籠包同雞絲粉皮🤣所以最後都係入去試吓🫶🏻餐廳裝修光猛，枱與枱之間亦保持足夠空間，今次坐卡位非常舒服👍🏻另外每台都有一個熱茶壺，麥茶都幾好飲，啱晒養生嘅我。打開Menu好多野都好想試😝最後我哋兩個人叫咗水煮牛肉，小籠包，雞絲粉皮，紅油抄手。先講小食，小籠包真係皮薄餡靚！勁小心夾，好驚啲湯瀉晒😂熱辣辣食超juicy。雞絲粉皮可以揀麻醬或者麻辣，我哋就揀咗麻醬，呢度真係我食過最多雞絲既一間，同啲粉皮比例係一比一，啲雞絲亦都幾滑，用咗有粒粒花生嘅花生醬🥜啱晒我😍。紅油抄手都好足料，精粹在於個汁，夠惹味，但我個人覺得可以再辣啲，三款小食都好高質。我哋嘅主菜水煮牛肉真係非常推薦！性價比極高，依個size平時其他地方食一定要三位數，呢度$98就食到。超大盤，起碼係兩至三人份量，牛肉好嫩滑，厚度適中，大塊有口感。另外仲有好多芽菜同薯粉，兩樣都係好吸味嘅配料，所以食落真係好重口味，啱我🥰整體來講，呢度選擇多，食物質素亦都好好，最緊要係環境坐得舒服同乾淨。一定會再有下次😊期待下次叫多啲小炒試吓。