風流居酒屋 (Closed)

疫情之下，呢一間居酒屋位於唔顯眼的斜路位置，更加少顧客惠顧。一聽個名：風流居酒屋，就知係一間好chill既日式居酒屋。成間居酒屋有三層，環境好舒適闊落，今次我地就獨霸整個3樓。（值得一提的是，3樓有獨立的洗手間）當晚叫左一個牛油果三文魚壽司，卷物上面有一大舊蟹子，毫不吝嗇。另外亦都叫咗好多燒炸物，有燒菠蘿啦，芝士年糕，炸雞軟骨，全部都係水準之上，佢嘅炸雞軟骨炸得好脆，炸粉比例一定有所考究過！配上明太子醬，真係食極都唔停！最後叫咗一個清酒煮蜆，蜆肉比起出邊嘅居酒屋更加大，更加多肉，而且無沙，十分清甜。但去到結帳的時候，發現價格都不菲，人均600多（可能因為叫咗一支燒酒）