Video
Read full review
2013-11-11
183 views
公司係附近 星期六得閒冇野做同老婆去試食呢間野三個月前已經見佢開業...一直都想試下!!但奈何舖面真係冇乜位...得兩坐位...餐廳出面又有兩個室外坐位,話就話係坐位...其實係好阻住條路..因為門口好多人等巴士...行人要係坐位同巴士之間經過...無論食又好...行人又好...都好辛苦!!不過抱著一試心態~一次半次都要忍下!!剛巧去到有一名女顧客坐係入面吃東西....無奈就坐係出面吧....拎張紙劃左幾樣餸就拎入去比老闆了...飲品就唔選擇其他了,包裝檸檬茶 同豆漿吧!兩碗車仔麵黎度...湯好少...唔熱...救命...!同老闆娘講話想碗野熱D...點知得到既答覆係:已經好熱....然後叫老闆娘比多D湯....點知仲離譜...佢竟然答我: D湯係真材實料煲,冇味精架!!係九唔搭八既情況下....老闆終於出聲...佢話: D湯就黎賣哂...所以唔會比好多湯你地...OK啦~你講到咁白...我都冇得強迫既...最後剩係同老闆講 我想要你地既秘制辣椒....終於開始食車仔麵了~ 坦白講...D食物幾好食!!個湯都好飲....但車仔麵唔熱同冇湯既情況下...100分既食物都係假.... 反而
公司係附近 星期六得閒冇野做同老婆去試食呢間野三個月前已經見佢開業...一直都想試下!!
但奈何舖面真係冇乜位...得兩坐位...
餐廳出面又有兩個室外坐位,話就話係坐位...
其實係好阻住條路..因為門口好多人等巴士...
行人要係坐位同巴士之間經過...無論食又好...行人又好...都好辛苦!!
不過抱著一試心態~一次半次都要忍下!!
剛巧去到有一名女顧客坐係入面吃東西....
無奈就坐係出面吧....
拎張紙劃左幾樣餸就拎入去比老闆了...
飲品就唔選擇其他了,包裝檸檬茶 同豆漿吧!
兩碗車仔麵黎度...湯好少...唔熱...救命...!
同老闆娘講話想碗野熱D...點知得到既答覆係:已經好熱....
然後叫老闆娘比多D湯....點知仲離譜...
佢竟然答我: D湯係真材實料煲,冇味精架!!
係九唔搭八既情況下....老闆終於出聲...
佢話: D湯就黎賣哂...所以唔會比好多湯你地...
OK啦~你講到咁白...我都冇得強迫既...
最後剩係同老闆講 我想要你地既秘制辣椒....
終於開始食車仔麵了~ 坦白講...D食物幾好食!!
個湯都好飲....但車仔麵唔熱同冇湯既情況下...
100分既食物都係假.... 反而其秘制辣椒另我刮目相看!
其辣度 同 麻度 既 配合簡直一絕....
食食下老闆娘走出黎同我地發嗡風...
又話好多人特登黎食車仔麵拎走個辣椒油去打邊爐...
又話好多人特登係新界搭車出黎食....
但我心諗你呢度有位比人坐咩?
其實老闆娘你知唔知騷擾梗食客食野架....
到最後既食後感 其實好多野都好好食...
無論係餸 湯 同辣椒油都係一絕
奈何湯少 唔熱 同冇乜坐位 扣了不少分數!!
期望老闆能聽聽顧客心聲加以改善!
短期內都唔會再幫親了....
Other Info. :
坐係餐廳外食車仔麵...真係好難頂...車既廢氣...成日比人撞!!
(The above review is the personal opinion of a user which does not represent OpenRice's point of view.)
Post
