海皇粥店 (英皇道) (Closed)

天氣忽冷，要增加身體熱量扺抗寒風，食多D澱粉質就啱嘞，特別係食粥最快吸收，今午食晏就在北角海皇粥店，入面好多選擇，又有套餐，幾十蚊就有靚粥，腸粉、仲有豆漿或咖啡茶等，叫多碟豉油皇炒麵同一隻旦王咸肉粽！頂得肚仲夠哂能量！兩人叫各的食品加埋一百八十幾蚊、已經有好多嘢食！海皇一品粥，材料豐富，有魚、有蝦，有蟹柳！味道唔錯，雙拼粥選咗豬潤同鯪魚球，都好新鮮入味！特別係個粥底，熱辣辣！濃稠適中！蝦腸是即製即蒸，蝦肉亦鮮甜，腸粉入口爽滑！旦黃咸肉粽有豐富緑豆餡，點白沙糖食，好正！油條亦係有水準，夠脆而不覚油膩！豉油皇炒麵加辣椒醬撈埋食，指定動作、又係好好味！呢個午餐食得飽飽、夠哂熱量對抗街上凜凜寒風！