Video
Read full review
2024-06-29
184 views
{紅酒燴牛尾炒腸粉 - $56}飯、麵、烏冬、河粉，呢啲午餐已經食到厭！今日嚟一個超級驚喜之作，坐低喺餐廳，望住個餐牌呆一呆，後面有位店員細細聲咁樣「唔使懷疑，最好味一定係G餐」就係咁，我就叫咗呢一碟紅酒燴牛尾炒腸粉！冇錯，係炒腸粉！真係第一次見餐廳嘅午餐有得咁樣選擇！紅酒燴牛尾整得幾好，不過都係意料之中嘅好味道，最令人驚喜係炒腸粉，餐廳寫明係即叫即炒，食落真係有鑊氣嘅味道，少部份嘅腸粉甚至乎係炒到香脆，因為腸粉本身亦有調味，成個餐變得非常之惹味，估唔到同紅酒燴牛尾嘅汁仲好夾！望落好似唔算好多腸粉，但可能因為佢係腸粉，個份量啱啱好！食完會有一種飽飽嘅感覺，所有嘢都係計算之內！厲害厲害！美味程度：😋😋😋😋環境指數：🎇🎇🎇番食機會：🦍🦍🦍🦍📍 #新成業茶餐廳
飯、麵、烏冬、河粉，呢啲午餐已經食到厭！今日嚟一個超級驚喜之作，坐低喺餐廳，望住個餐牌呆一呆，後面有位店員細細聲咁樣「唔使懷疑，最好味一定係G餐」就係咁，我就叫咗呢一碟紅酒燴牛尾炒腸粉！冇錯，係炒腸粉！真係第一次見餐廳嘅午餐有得咁樣選擇！
紅酒燴牛尾整得幾好，不過都係意料之中嘅好味道，最令人驚喜係炒腸粉，餐廳寫明係即叫即炒，食落真係有鑊氣嘅味道，少部份嘅腸粉甚至乎係炒到香脆，因為腸粉本身亦有調味，成個餐變得非常之惹味，估唔到同紅酒燴牛尾嘅汁仲好夾！望落好似唔算好多腸粉，但可能因為佢係腸粉，個份量啱啱好！食完會有一種飽飽嘅感覺，所有嘢都係計算之內！厲害厲害！
美味程度：😋😋😋😋
環境指數：🎇🎇🎇
番食機會：🦍🦍🦍🦍
📍 #新成業茶餐廳
Post
