火鍋煮場 (Closed)

人大咗食量細咗，所以唔去任食打邊爐，寧願比貴少少食好少少又唔洗趕頭趕命限時要走，而呢間火鍋店正正合晒我心水。安格斯小牛排脂肪分佈真係好靚仔，淥兩淥就要食，否則太熟會無咁好食。呢個牛白肉好正，煙煙un un，又係淥兩淥就食得。紫菜響鈴係即叫即炸，所以好脆，伙記話即食或者落湯滾一滾都得。手打蝦丸同墨魚丸好好食，好彈牙，同埋食落去覺得好新鮮。雲吞同水餃都正，我鍾意雲吞多D，入面隻蝦又大又新鮮，食得好開心。大勝子都好正，伙記話水滾時淥10秒就要食，跟住佢咁講淥10秒真係啱啱好，好正呀又無縮細。