Video
Read full review
2010-01-03
12 views
終於可以係銅鑼灣搵到近年大熱的yoghurt專門店，想食的時候唔需要去到灣仔或中環喇，感動呀！今日食左個late lunch後專登走過黎一試，一去到，嘩，鋪裡面都幾多人，有好多父母帶同小朋友黎食，可見yoghurt所走的健康形像係work既！從雜誌得知呢間yoghurt店所提供的yoghurt base係最多既，是日有如下味道：原味士多啤梨（ sold out)香蕉綠茶荔枝芒果店員話可以選兩至三款，啱晒心多多既人，最後我揀左原味配香蕉味，好，再揀埋toppings喇。黎到呢 D yoghurt 店個戲肉當然係可以係好多好多不同的toppings揀你心水，自由配搭，好可惜，toppings的選擇好少。生果類只有哈蜜瓜，士多啤梨同芒果（竟然無藍莓），餅類同 cereal 比較多亦只有6至7款，另外有大熱的monchi （不過賣相麻麻地），我最後揀左士多啤梨、哈蜜瓜、orea同椰果。店係採取重量計算的售賣方法（100克／＄15），秤一秤，要＄49.2！都唔平呀。由於店內可以坐的位都被小朋友所攻佔，所以就走出店食，點知俾我見到店的宣傳黑板上推介 hot honey ＋ yoghurt，點解頭先
今日食左個late lunch後專登走過黎一試，一去到，嘩，鋪裡面都幾多人，有好多父母帶同小朋友黎食，可見yoghurt所走的健康形像係work既！
從雜誌得知呢間yoghurt店所提供的yoghurt base係最多既，是日有如下味道：
原味
士多啤梨（ sold out)
香蕉
綠茶
荔枝
芒果
店員話可以選兩至三款，啱晒心多多既人，最後我揀左原味配香蕉味，好，再揀埋toppings喇。
黎到呢 D yoghurt 店個戲肉當然係可以係好多好多不同的toppings揀你心水，自由配搭，好可惜，toppings的選擇好少。
生果類只有哈蜜瓜，士多啤梨同芒果（竟然無藍莓），餅類同 cereal 比較多亦只有6至7款，另外有大熱的monchi （不過賣相麻麻地），我最後揀左士多啤梨、哈蜜瓜、orea同椰果。
店係採取重量計算的售賣方法（100克／＄15），秤一秤，要＄49.2！都唔平呀。
由於店內可以坐的位都被小朋友所攻佔，所以就走出店食，點知俾我見到店的宣傳黑板上推介 hot honey ＋ yoghurt，點解頭先我買的時候無人同我講可以配honey或者syrup呀﹗ 激死
Overall，yoghurt base的質素都唔錯，不過就幾快溶，toppings選擇唔多，服務都ok，如果可以再介紹多少少加多個笑容就更好，總括黎講，試過呢間、「Berry好」同「yo 媽媽」，我覺得最好味暫時都係「yo 媽媽」，所以如果一眾yoghurt愛好者行過銅鑼灣都可以過黎食下，特登走過黎試就唔洗喇﹗
Post