Video
Read full review
2022-06-09
1090 views
忙碌一整天, 連LUNCH都冇時間食, 放工肚餓程度岩哂去食放題。銅鑼灣瀛豐晚市限時兩小時任飲任食, 另可自選升級加$138, 任食愛爾蘭生蠔、海膽帶子, 任飲生啤。餐廳面積不大, 飲品、甜品設自助區。食物均以SCAN QR CODE落單, 所點的食物都黎得快又齊, 整餐可以密密食。日式放題最著重當然係刺身, 首round刺身每人均有限定一隻肥美赤蝦, 口感超爽口鮮甜。其他任食款式嘅刺身選擇多, 三文魚、希靈魚、吞拿魚、油甘魚、八爪魚、馬刀貝、赤貝、鮑片, 魚類刺身帶dd厚度, 三文魚有魚香, 整體刺身都很新鮮, 冇腥味。 任食愛爾蘭生蠔, 上檯時已散發很重海水味, 雖然不算肥美, 但總算新鮮, 味道唔會過鹹。海膽帶子: 原粒帶子開邊, 夾住少少海膽, 雙重鮮甜, 又能滿足口感, 超正!冷盤小食有原隻芝麻八爪魚、螺肉壽司方面同樣款式多, 不過眼闊肚窄, 只食咗其中一款, 飯比例細細件, 炸物方面亦做得不錯, 即炸香脆熱辣辣, 又唔會油。天婦羅蝦炸皮鬆脆, 蝦雖然幼小, 但炸皮薄, 比例做得不錯。雞軟骨: 外層脆, 軟骨亦很爽脆燒物:串燒牛亦做得出色, keep到本身肉汁, 表面附上沙爹
銅鑼灣瀛豐晚市限時兩小時任飲任食, 另可自選升級加$138, 任食愛爾蘭生蠔、海膽帶子, 任飲生啤。餐廳面積不大, 飲品、甜品設自助區。
食物均以SCAN QR CODE落單, 所點的食物都黎得快又齊, 整餐可以密密食。
日式放題最著重當然係刺身, 首round刺身每人均有限定一隻肥美赤蝦, 口感超爽口鮮甜。
其他任食款式嘅刺身選擇多, 三文魚、希靈魚、吞拿魚、油甘魚、八爪魚、馬刀貝、赤貝、鮑片, 魚類刺身帶dd厚度, 三文魚有魚香, 整體刺身都很新鮮, 冇腥味。
任食愛爾蘭生蠔, 上檯時已散發很重海水味, 雖然不算肥美, 但總算新鮮, 味道唔會過鹹。
海膽帶子: 原粒帶子開邊, 夾住少少海膽, 雙重鮮甜, 又能滿足口感, 超正!
冷盤小食有原隻芝麻八爪魚、螺肉
壽司方面同樣款式多, 不過眼闊肚窄, 只食咗其中一款, 飯比例細細件,
炸物方面亦做得不錯, 即炸香脆熱辣辣, 又唔會油。
天婦羅蝦炸皮鬆脆, 蝦雖然幼小, 但炸皮薄, 比例做得不錯。
雞軟骨: 外層脆, 軟骨亦很爽脆
燒物:
串燒牛亦做得出色, keep到本身肉汁, 表面附上沙爹吊味, 味道有如咖哩般香。
串燒雞腎: 爽口唔會硬到咬唔開
燒菠蘿: 超juicy, 清甜, encore了好幾round。
蒜蓉帶子: 唔會燒得太乾, 剛剛好熟, 有唔少香蒜提升鮮味。
燒蝦: 整體質素唔錯, 蝦肉爽口, 十隻只有兩隻痴蝦殼
泰式鳳爪: 水準有如泰菜餐廳般, 無骨鳳爪有些少軟筋位連帶, 酸尾尾, 好開胃。
蝦餅: 炸皮酥脆彈牙, 有鮮甜蝦味。
泰式炒蜆: 幾有穫氣, 個茨汁甜甜地又辣辣地, 幾惹味。
炒通菜: 通菜翠綠爽脆, 同樣炒得有穫氣。
香辣螺肉: 螺肉口感偏林, 辣辣地, 送酒一流!
甜品方面, 就有小糕點同埋雪糕。
整體而言, 對比往年質素, 的確比之前進步咗! 呢個價錢係值得幫襯!
Post
