BLT Burger (Closed)

專登去尖沙咀海港城去食呢間BLT，排隊多人到嘔，都排咗好耐先至到我哋(成四十五分鐘)。其實嗰日我哋係好肚餓，但係我哋知道呢度啲嘢好大份，於是乎我哋只係叫咗一份澳洲和牛漢堡嘅套餐，include薯條有l同少少沙律，仲有一杯嘢飲，之後我哋單叫咗一份玉米片同洋蔥圈，心諗應該都夠皮啩╮(╯▽╰)╭澳洲和牛漢堡 ~ 其實都食唔到係咩特別和牛，味道一般，不過都算新鮮嘅。洋蔥圈 ~ 比較大份咗，好彩炸粉唔係特別厚，還可以。手撕BBQ豬肉玉米片 ~ 最出色係呢個單點，亦好大份，不過由於份量太多，真係點都食唔晒。