Video
Read full review
2018-03-03
223 views
香港人鐘意打邊爐，而市面上亦有形形色色既火鍋店，要搵間好食既唔易，真係要靠人介紹先得，成日都想講，唔好食既一餐又要百幾二百蚊，少食一餐，用貴少少既價錢就可以食到高質好多既食物，計落條數可能仲抵。餐廳地方不大，多數係大枱，岩一大班人聚餐，而裝潢走中國風，非常喜歡頭頂上既燈籠，好有喜慶既感覺，既有美感又有好意頭。枱頭上既醬油配料豐富且乾淨，食得較安心。今晚叫了個刺身和牛極尚套餐，食既係4人套餐，由於今晚有6個人，所以食材再按比例加錢加多兩個人既份量。刺身方面，食咗三文魚同甜蝦，味道不俗，質感新鮮。湯底方面，叫了特濃豬骨湯，底下全部都係連肉既豬骨，食得太飽就最尾無食到豬骨（好可惜）, 湯頭鮮甜，朋友好喜歡，打完邊爐後，飲咗兩三碗湯。特別推薦呢個日本和牛，記憶中，好少可食到咁高質既和牛，size大塊且厚肉，肉質極嫩滑，油脂極香，油花分佈極平均，實屬上上品。呢個海鮮盤非常有氣勢，一上枱就令成枱人非常雀躍，海鮮都極新鮮，全部都生勾勾係到郁，total有5款海鮮，分別有貴妃蚌,龍蝦,鮑魚,花甲同虎蝦。貴妃蚌既size係鮑魚既double, 食落好鮮甜好juicy, 而虎蝦同龍蝦亦都係鮮甜到不得了，有
餐廳地方不大，多數係大枱，岩一大班人聚餐，而裝潢走中國風，非常喜歡頭頂上既燈籠，好有喜慶既感覺，既有美感又有好意頭。
枱頭上既醬油配料豐富且乾淨，食得較安心。
今晚叫了個刺身和牛極尚套餐，食既係4人套餐，由於今晚有6個人，所以食材再按比例加錢加多兩個人既份量。
刺身方面，食咗三文魚同甜蝦，味道不俗，質感新鮮。
湯底方面，叫了特濃豬骨湯，底下全部都係連肉既豬骨，食得太飽就最尾無食到豬骨（好可惜）, 湯頭鮮甜，朋友好喜歡，打完邊爐後，飲咗兩三碗湯。
特別推薦呢個日本和牛，記憶中，好少可食到咁高質既和牛，size大塊且厚肉，肉質極嫩滑，油脂極香，油花分佈極平均，實屬上上品。
呢個海鮮盤非常有氣勢，一上枱就令成枱人非常雀躍，海鮮都極新鮮，全部都生勾勾係到郁，total有5款海鮮，分別有貴妃蚌,龍蝦,鮑魚,花甲同虎蝦。貴妃蚌既size係鮑魚既double, 食落好鮮甜好juicy, 而虎蝦同龍蝦亦都係鮮甜到不得了，有個錯覺以為落咗糖，肉質超彈牙，蝦頭仲有好多蝦膏，一食難忘。
呢個size既虎蝦，本身去街市買已經唔平，但呢度有成6隻，上枱仲識郁，計下，其實係到食既性比價真係好高!
水餃 - 料多皮簿，即包即食，果然係好食d。
Post
