Video
Read full review
2023-06-15
72 views
朋友升職請食飯，當然要搵個靚靚地方☺️☺️喺OpenRice見依間餐廳有好多正評，就book左。法國菜或者fine dinning唔係成日接觸，有機會就當然要試試啦🥰🥰環境幾舒服，店員親切，會介紹餐酒配搭，又會講解每一道菜式嘅材料同特別之處三款餐包French roll 柔軟得黎，口感做到少少煙韌彈牙👍🏼👍🏼餐前小食一層層自家製薯片，夾住鬆軟short ribs，再加埋面頭脹卜卜嘅三文魚子，口感豐富，味道濃郁，令我個胃都開始進入狀態🤤🤤油甘魚食得多，擺盤咁靚嘅都係第一次見☺️☺️油甘魚刺身配上青瓜醋汁、魚子醬、sour cream，涼涼哋，幾清新，又精緻，真係好靚🫶🏻🫶🏻鵝肝凍高貴嘅食材，靚靚嘅擺盤🥰🥰鵝肝味道濃郁，好突出配杏脯醬同沙律，平衡返就冇咁油膩期待已久嘅湯🎈中間有泡沫既係牛肝菌忌廉湯，味道濃郁，口感濃稠，仲有好多牛肝菌粒粒，帶有少少甘香。我自己就比較鍾意隔離細細杯嘅羊肚菌清湯，菇味非常香濃，慢慢㗳真啲😌😌香煎油封鴨法國菜必食🔥🔥比想像中細，但比想像中更出色！外面煎得非常香脆，中間嘅肉係好幼嫩，而且唔係死咸，做得非常好👍🏼👍🏼👍🏼朋友就最愛呢一款：脆炸阿根廷紅蝦外面一絲絲嘅脆脆，做得好
朋友升職請食飯，當然要搵個靚靚地方☺️☺️喺OpenRice見依間餐廳有好多正評，就book左。法國菜或者fine dinning唔係成日接觸，
有機會就當然要試試啦🥰🥰
環境幾舒服，店員親切，會介紹餐酒配搭，又會講解每一道菜式嘅材料同特別之處
三款餐包
French roll 柔軟得黎，
口感做到少少煙韌彈牙👍🏼👍🏼
餐前小食
一層層自家製薯片，夾住鬆軟short ribs，再加埋面頭脹卜卜嘅三文魚子，口感豐富，味道濃郁，令我個胃都開始進入狀態🤤🤤
油甘魚食得多，擺盤咁靚嘅都係第一次見☺️☺️油甘魚刺身配上青瓜醋汁、魚子醬、sour cream，涼涼哋，幾清新，又精緻，真係好靚🫶🏻🫶🏻
鵝肝凍高貴嘅食材，靚靚嘅擺盤🥰🥰
鵝肝味道濃郁，好突出
配杏脯醬同沙律，平衡返就冇咁油膩
期待已久嘅湯🎈
中間有泡沫既係牛肝菌忌廉湯，味道濃郁，口感濃稠，仲有好多牛肝菌粒粒，帶有少少甘香。我自己就比較鍾意隔離細細杯嘅羊肚菌清湯，菇味非常香濃，慢慢㗳真啲😌😌
香煎油封鴨
法國菜必食🔥🔥
比想像中細，但比想像中更出色！
外面煎得非常香脆，中間嘅肉係好幼嫩，而且唔係死咸，做得非常好👍🏼👍🏼👍🏼
朋友就最愛呢一款：脆炸阿根廷紅蝦
外面一絲絲嘅脆脆，做得好幼細，完全唔會拮口。蝦肉味道亦好突出，好鮮甜！配埋軟綿綿嘅椰菜花忌廉，非常夾👍🏼👍🏼👍🏼
香煎特級西冷配芥末籽薯仔卷
特級西冷，切開見到就知真係好高質，好粉嫩！肉味香濃，肉汁滿滿！
甜品賣相亦相當精緻🫶🏻
薄薄脆片包住香蕉，清甜，口感又豐富，一啲都唔膩🤤🤤
整體嚟講，成餐飯都非常賞心悅目
間中享受一個奢華嘅晚餐，品嚐精緻又美味嘅食物，真係一件好幸福嘅事🥰🥰
Post
