Video
Read full review
2019-02-12
187 views
呢晚搵食到尖沙咀美麗華商場地庫嘅Madam Saigon。餐廳面積頗大，佈置帶一點點東南亞風味，座位闊落，都算舒適。不過唔知係咪身處地庫，即使未坐滿人客，環境都幾嘈雜。先嚟個清清哋嘅虎蝦蓮藕苗沙律 ($118)，蓮藕苗清爽鮮嫩，沙律汁帶一點點微酸，整體味道偏淡。跟住嚟嘅芥末籽虎蝦米紙卷 ($98)，賣相精緻，不過味道一般。越南炸蝦餅(HK$82)熱辣辣上場，一碟四大件，爽口彈牙，不俗。安南燒乳豬 ($268)，因為燒烤需時，約莫要等20分鐘左右。皮脆肉嫩，味道唔錯。冬陰功海鮮炒金邊粉 ($98)，酸酸辣辣幾滋味，不過份量就比較少。總括而言，呢度嘅食物賣相好得，但味道就麻麻地，而且份量偏少。至於服務方面，唔知係咪大部份侍應生都係散工，即使今晚個場唔多客，想落個order都要等好耐，而且個個都有啲失魂落魄。三個人埋單八百蚊，唔算平，想留住客人，食物同服務水準都有提升嘅必要。
餐廳面積頗大，佈置帶一點點東南亞風味，座位闊落，都算舒適。不過唔知係咪身處地庫，即使未坐滿人客，環境都幾嘈雜。
先嚟個清清哋嘅虎蝦蓮藕苗沙律 ($118)，蓮藕苗清爽鮮嫩，沙律汁帶一點點微酸，整體味道偏淡。
跟住嚟嘅芥末籽虎蝦米紙卷 ($98)，賣相精緻，不過味道一般。
越南炸蝦餅(HK$82)熱辣辣上場，一碟四大件，爽口彈牙，不俗。
安南燒乳豬 ($268)，因為燒烤需時，約莫要等20分鐘左右。皮脆肉嫩，味道唔錯。
冬陰功海鮮炒金邊粉 ($98)，酸酸辣辣幾滋味，不過份量就比較少。
總括而言，呢度嘅食物賣相好得，但味道就麻麻地，而且份量偏少。至於服務方面，唔知係咪大部份侍應生都係散工，即使今晚個場唔多客，想落個order都要等好耐，而且個個都有啲失魂落魄。
三個人埋單八百蚊，唔算平，想留住客人，食物同服務水準都有提升嘅必要。
Post
