Madam Saigon (Closed)

之前約過幾個朋友去呢度到最後都因為種種原因去唔到今晚 食咗 性價比高👍🏻一入去整體感覺舒服 佈置不錯 所有食物都好味 超乎我預料 價錢亦唔貴 坐得仲好舒服 係可以一去再去嘅

叫了半隻越式海南雞，蒜香連耦苗，素菜芒果紙米卷，椰青一個。海南雞算嫩夠滑夠淋，係嗰幾個醬汁總係覺得唔夠味淡左啲，不過整體都good既。不過有點小貴。芒果紙米卷，素菜夠新鮮，但跟喜越相比，芒果份量較小，未見出色。蓮藕苗唔算好咸，但夠味，不過賣相唔係好吸引，仲感覺有點小老，不過食落都可以，唔算太老，一條半條應該好難避免既。椰青就正常椰青啦～ 夠甜! 價位正常。服務就。。。因為只叫餸share食，上哂餸都冇比碗或碟，無論要碗要水要牙簽都要叫兩次，看著是人手不足吧～ 都可以體諒的。

是日晚上六半來襲，餐廳只有廖廖幾人。坐下，點了半個海南雞及海鮮湯蒙，非常不俗。先來的是海南雞，上這菜速度很快。海南雞配上菜飯。雞的量不算多，但勝在很有雞味，不用沾醬也是很好了。菜飯很熱，上的乾虾很香，很下飯，感覺非常主家。再過多約莫廿分鐘，上了海鮮蒙粉。海鮮量可以，有兩虾，一扇貝，三大蜆，兩手打豬肉丸，三塊魷魚，及少少的蟹肉。海鮮味道全部都不錯，感覺到些許誠意。而且，湯極重虾味，非常惹味，蒙粉口感也不錯，令人一吃又吃！環境服務也是不錯的。各方面也不俗，但價錢也不平，但可以試下。

今日去開尖沙咀美麗華商場，想食越南菜又唔想行太遠，落一層就搵到呢間madam saigon，外觀係一間西餐廳不過係食越南野，好似好正咁，就去試下！首先叫個湯先，見有大頭蝦冬蔭公湯喎，嗜辣既我地二話不說即叫啦！黎到果然無後悔，非常足料，Ｄ蝦又大隻又新鮮，仲有好多蜆肉同魷魚，辣度剛剛好，甜甜地易入口，飲完更加開胃！之後我地叫左個芥末籽虎蝦米紙卷，有六件，兩個人分剛剛好！米紙好新鮮，配合虎蝦非常惹味，芥末同Ｄ菜又有種清新感覺！最後我地叫左個燒香茅牛肉蝦片，好特別既一道菜！Ｄ蝦片卜卜脆，牛肉好爽口，食咁多次越南菜都未食過呢樣，以後要再叫過！呢間餐廳係商場地下一層，人流唔多，而且剛巧外面有音樂表演，我地就係悠揚既樂聲中共晉晚餐，感覺非常寫意！

呢個餐廳環境唔錯，同男朋友晏就去食，完全唔使等位，每碟菜都唔錯，最推介佢地個芒果軟殼蟹紙卷，超好食，係超好食！口感豐富，食落去勁fresh, 完全唔會有油膩嘅感覺，好推介大家試！不過價位都偏貴：(

不知所謂! 侍應執完枱叫我哋埋位坐, 一坐低發現枱面張餐紙巾有黃色疑似咖喱漬! 剛執完枱張餐紙巾係咪應該係新既呢? 點解會有漬? 係人手沾落去有漬定係張餐紙巾係上手無用到, 而職員以為係新所以留低比下手客用? 我問職員, 點解張餐紙巾有清, 職員反問: 咁係咪要換比你丫? 如果係我比個張你囉……. WHAT? 係咪攪緊笑?  午餐唔貴既, 大慨 $90 - $120啦! 火車頭金邊粉 $99, 湯底味都可以, 不過食完都幾口渴! 牛質素唔錯, 有咬口肉味, 除左牛栢葉超硬! 特飲 +10, 高但超幼身杯, 酸梅梳打係用 “蒸梅子排骨” 嗰粒酸梅就有點奇怪! 

戰亂在燃很多時六、日都不會出油尖旺區，所以今日就揀上平日出去透透氣、這間放在自己的Waiting list很久之餐廳食晏。。。店舖坐落於低層但其實位置很鮮明, 店內大部份都以黑色為主調、只是入門間左方有一幅大大的人功壁畫甚為奪目, 流水式運店員亦呈上當日午餐餐牌、選擇上亦有十款、八款~自己就揀上了這份扎肉雞絲是金邊粉HK$78.送上跟前驟眼望上去其實都很大碗,但是餸料方便雞就略嫌未免孤寒了點、至於味道由於湯底做得不錯所以整體上都可以選為合格~分開而上之《豆芽與及九層塔》可以令客人自己選擇,而我最主要還是一碟(辣椒粒)、揮一揮手轉瞬間亦以放在枱上~簡單地要多一碟小食芒果纸米卷Hk$24.，驟眼看似甚多、但其實只是得(兩小件)中間部份全以沙律菜作伴食，【正所謂賺盡每一個細節位~】餐飲簡單的跟一杯熱咖啡中平之作、在腦中與味蕾上匆匆走過~★看來銀紙貶值又在我荷包上重現，味道不算突出、食物收費大致落於貴價地皮租金與及裝修之上｡★

今日食飯冇乜靈感，就約咗朋友係尖沙咀等，見到面再諗食啲乜。😌集合後我就建議去Mira Mall望下有咩餐廳揀，因為一向Mira Mall嘅餐廳俾我嘅感覺都係水準幾好。大家都想試下越南野，所以就去咗係UG嘅Madam Saigon, 餐廳外面經常有Mini Music Concert,鍾意聽住音樂食飯嘅朋友仔可以嚟撞下彩。🤣頭炮係咖哩軟殼蟹，沾上咖哩汁嘅軟殼蟹十分惹味，份量啱啱好。冬蔭公係我最愛😍，今次都唔例外，叫咗冬蔭公海鮮湯金邊粉，有得食又有得飲，而且味道正宗足料。見啲海鮮咁有鮮味，朋友提議追加椰青香茅蜆湯，果然冇令我地失望，啲硯大大粒又新鮮冇沙，個湯清得黎又唔會太淡。🤭仲有馬拉盞肉鬆扎肉炒飯，賣相唔算吸引，不過食落都唔錯，至於馬拉盞通菜就普普通通。整體上，價錢比一般越南菜略貴，不過食物質素頗高，人均二百左右。😋

唔知係咪太耐無黎美麗華，開咗間泰式越南fusion 嘢都唔知 🙈芒果糯米飯📍$58好耐無食啦 😣 糯米飯煙煙韌靭，椰汁味幾香，芒果肉都唔會有渣香芒軟殼蟹紙卷📍$108米紙卷入面除咗有軟殼蟹，仲有蘿蔔絲，生菜，芒果，食落口好新鮮，外觀好靚，仲有塊糖片係面馬拉盞炒通菜📍無咩特別，不過有少少偏鹹

The phó was quite decent, made with fairly authentic broth and tender Angus beef slices. The cold rolls were very pleasing, both to look and eat in. We also ordered lotus seedlings stir-fried with belacan as our veg, great flavours but the seedlings were a bit tough to chew. The place has some cool décors, a decent choice if you are looking for chic Vietnamese restaurant. A bit pricey but this is TST we are talking about.

今次黎到尖沙咀, 試下呢間越南菜我地3個人, 所以叫咗幾樣野黎share. 首先黎左個咖哩軟殼蟹, 咖哩味幾香,唔會太辣,軟殼蟹都幾大隻, 我地每人有2件, 最好食既係D薯仔, 軟硬適中而且好入味. 之後黎既係冬陰公海鮮湯河, 海鮮有蝦,魷魚, 花甲, 食得出佢地係新鮮,特別係個蜆, 好鮮甜,好爽, 湯既味道酸辣啱啱好, 因為D蜆好食既關係, 我地再叫咗椰青香茅蜆湯, 雖然味道唔係太特別, 但蜆好食, 椰子都好淋好香, 之後既扎肉肉鬆炒飯同馬拉盞通菜就普普通通不過不失 呢到既野食唔會令人失望 但價錢就偏高，多d人食一齊share更抵。

已經去過兩次，第一次係想去尖沙咀食越南菜所以揀咗呢間就腳，第二次係特登帶個朋友去試，因為覺得環境舒適食物味道幾好。Madam Saigon 係走新派路線嘅越式菜館，佢嘅裝橫好前衛，同一般傳統越式菜館唔同，行過都唔知道佢哋係賣越菜。佢哋啲服務好好，店員好有心機咁介紹佢哋個 Menu，我哋想叫兩杯飲品，但係佢就提醒我哋其實叫一 jar 會比較化算。 我哋叫左熱情菓蘆薈汁，真係有好多粒粒蘆薈。牛油雞翼出色，雞肉嫩滑，用嚟墊底嘅芋頭絲炸得好香脆，值得一試。咖哩牛腩不太辣，咖哩味好香，配蒜蓉一流。

又係搵好嘢食嘅時間，今晚放工又試新野.地點就係美麗華一期地下，一班朋友傾計聚會就啱晒啦，因為地方夠寬躺！先講菜式先，坐低後梗係即刻揀嘢食啦，講開呢間服務都算係貼心，員工速度快捷唔再講，上菜嘅速度亦都非常快而且有驚喜，全部嘅菜式都好似經過精心擺設一樣，唔止嘢食好味而且外觀亦吸引，真心推介

是次係用網上預約服務，餐廳follow up得幾好，位置安排都唔錯👌🏼其實係尖沙咀餐廳選擇實在太多，但係lunch周圍都係人，想坐得舒舒服服價錢又唔好太貴就真係要格下價先啦！偶然見到依間餐廳嘅介紹，見佢位於商場入邊應該空間會大啲所以就諗住試吓啦😆咁亦都不失所望，至於食物方面豬柳撈檬唔錯，適合重口味嘅我❤️另外車頭粉普普通通個牛丸麻麻地👅要講下嘅係杯嘢飲有啲細杯🙈小食同甜品可自行選擇加唔加錢😛不過蝦餅係喺越南餐廳裏面必食🥰

是日去到尖沙咀見到呢間餐廳喺網上面嘅好評唔少於是就去試下餐廳嘅菜式款式都非常之多而且都幾特別有別於其他一般嘅越南餐廳咁因為當日唔想諗食啲咩嘅關係就叫咗個二人餐，食物嘅款式亦都比較多先講嗰個帶子:非常之新鮮鮮甜而且都幾大隻個生蝦汁做得非常之開胃唔錯呢一個越南拼盤簡直係大贊啊。因為佢嘅肉類燒得非常之香口不論係牛定係豬or係個扎肉同埋嗰個燒肉棒我都比非常之高分依家蝦片亦都非常之脆，唯一一樣野唔好嘅係個檬粉癡到一嚿嚿咁樣呢一個就有啲遜色再嚟我哋係揀咗個燒乳豬。乳豬佢嘅唔好處就係唔夠熱騰騰，但係佢嘅肉係燒得啱啱好嘅食落去係皮脆肉滑另外個菜飯亦都做得好香口因為佢落咗少少一啲櫻花蝦同埋個飯亦都經過調味所以好開胃反之佢嘅炒通菜同埋甜品就相對地冇咁出色啦，比較鹹。而甜品就一般冇咩特別。整體而言呢一間餐廳嘅食物質素都叫幾高嘅而且上菜速度係適中不得不讚嘅係店員態度服務非常之好而且都會主動殷勤去幫你收走污糟嘅碟同埋添水呢一樣野係大大加分