Video
Read full review
2020-07-17
256 views
第三波疫情殺到，中午食飯時間避免人多，走咗去赤柱食，希望人少啲減低中招機會。本來選定左The Boathouse 可惜去到已經full左，赤柱大街有幾間食肆可以望住大海，所以係赤柱大街搵食，我哋經過其中一間叫seafront嘅餐廳，有位叔叔在餐廳門外向經過嘅人落力推介午餐，很多人都被他的推介下停下來看一看餐牌，我哋當然都比佢截住咗。午市套餐選擇多，價錢都算合理，比其他的餐廳便宜，所以我哋就揀咗seafront。我哋被安排坐喺近門口，兩個人平排坐，可以望住個大海，雖然天氣好熱，但有啲風吹埋嚟，唔會覺得熱，加上藍天白雲海景，坐喺度食lunch覺得好舒服，好寫意。Pizza lunch set $138， 我哋揀咗辣肉腸另外加菠蘿$15 同煙肉$15。Pizza 剛剛焗好，餅底薄而脆，熱辣辣，非常足料，芝士係拉絲的。比起Pizza Hut, Pizza Express 好食好多，推介。炸魚薯條set lunch $138， 炸粉漿唔係好厚，魚柳好滑，但份量就比較少，一個人吃這個午餐一定唔夠飽。set lunch 也可選擇汽水和果汁，我揀嘅蘋果汁味道好怪唔識形容。總結，其實這間餐廳冇咩特色，望
本來選定左The Boathouse 可惜去到已經full左，赤柱大街有幾間食肆可以望住大海，所以係赤柱大街搵食，我哋經過其中一間叫seafront嘅餐廳，有位叔叔在餐廳門外向經過嘅人落力推介午餐，很多人都被他的推介下停下來看一看餐牌，我哋當然都比佢截住咗。午市套餐選擇多，價錢都算合理，比其他的餐廳便宜，所以我哋就揀咗seafront。
我哋被安排坐喺近門口，兩個人平排坐，可以望住個大海，雖然天氣好熱，但有啲風吹埋嚟，唔會覺得熱，加上藍天白雲海景，坐喺度食lunch覺得好舒服，好寫意。
辣肉腸菠蘿煙肉pizza
56 views
0 likes
0 comments
Pizza lunch set $138， 我哋揀咗辣肉腸另外加菠蘿$15 同煙肉$15。Pizza 剛剛焗好，餅底薄而脆，熱辣辣，非常足料，芝士係拉絲的。比起Pizza Hut, Pizza Express 好食好多，推介。
炸魚薯條
40 views
0 likes
0 comments
炸魚薯條set lunch $138， 炸粉漿唔係好厚，魚柳好滑，但份量就比較少，一個人吃這個午餐一定唔夠飽。
set lunch 也可選擇汽水和果汁，我揀嘅蘋果汁味道好怪唔識形容。
總結，其實這間餐廳冇咩特色，望完餐牌可能都會走，但我哋被門外嘅叔叔吸引住，佢係酷熱天氣下，仲咁落力拉客，不停推介，親切有禮，我哋都因為佢而入去食lunch。但餐廳嘅女侍應就一般啦，無笑容。
Post
