Video
Read full review
2023-03-10
476 views
平日得閒入左赤柱放放風😌入到去都午餐時間，行到美利樓見到路牌指引，Set Lunch又唔錯，就隨便揀左呢間餐廳🍽️-入座時，店員特別問想坐室內還是戶外。室內係木質歐式古典風，擋風較暖；而戶外係望海嘅居高點，部份更加係打卡靚位，風大但有暖爐。入得黎赤柱放鬆，當然望海食野更開心。-戶外枱凳唔錯，唔係劣質木枱。餐具略重。水就感覺似生水，我同朋友都怕怕。-🍴鮮製蕃茄麵包麵包香脆，蕃茄配黑橄欖開胃有特色。-🍴香煎法國鵝肝配黑醋汁我心心念念係尖沙咀日式居酒屋食過好好食嘅鵝肝多士，所以Set Lunch前菜揀左鵝肝。鵝肝厚切，油香濃郁，但羶味較重，需要配合佢嘅黑醋汁平衡味道。-🍴即開生蠔兩隻朋友揀左即開生蠔，當日係南非生蠔🦪厚肉多汁，清新，唯甜味稍有不足。Go ahead & Get Dirty濕紙巾😂-🍴是日餐湯是日餐湯係南瓜湯，香，甜，又夠熱，而我就喜歡加啲pepper調味⋯最欣賞夠熱嘅食物，吹住風，食到底都仲夠熱度。-🍴美國特級肉眼牛扒配自家製砵酒汁美國肉眼當然夠牛味，煎得剛好，亦夠香，配菜略有調味，可惜牛扒中間有筋。-🍴比目魚柳配大蒜燴薯仔魚煎得夠香，皮脆，但略腥，唔知係咪燴嘅湯汁累事。蒜味唔
-
入座時，店員特別問想坐室內還是戶外。室內係木質歐式古典風，擋風較暖；而戶外係望海嘅居高點，部份更加係打卡靚位，風大但有暖爐。入得黎赤柱放鬆，當然望海食野更開心。
-
戶外枱凳唔錯，唔係劣質木枱。餐具略重。水就感覺似生水，我同朋友都怕怕。
-
🍴鮮製蕃茄麵包
鮮製蕃茄麵包
3 views
0 likes
0 comments
麵包香脆，蕃茄配黑橄欖開胃有特色。
-
🍴香煎法國鵝肝配黑醋汁
香煎法國鵝肝配黑醋汁
1 views
0 likes
0 comments
我心心念念係尖沙咀日式居酒屋食過好好食嘅鵝肝多士，所以Set Lunch前菜揀左鵝肝。鵝肝厚切，油香濃郁，但羶味較重，需要配合佢嘅黑醋汁平衡味道。
-
🍴即開生蠔兩隻
即開生蠔
2 views
0 likes
0 comments
朋友揀左即開生蠔，當日係南非生蠔🦪厚肉多汁，清新，唯甜味稍有不足。
Go ahead & Get Dirty濕紙巾😂
-
🍴是日餐湯
是日餐湯
3 views
0 likes
0 comments
是日餐湯係南瓜湯，香，甜，又夠熱，而我就喜歡加啲pepper調味⋯最欣賞夠熱嘅食物，吹住風，食到底都仲夠熱度。
-
🍴美國特級肉眼牛扒配自家製砵酒汁
美國特級肉眼牛扒配自家製砵酒汁
6 views
0 likes
0 comments
美國肉眼當然夠牛味，煎得剛好，亦夠香，配菜略有調味，可惜牛扒中間有筋。
-
🍴比目魚柳配大蒜燴薯仔
比目魚柳配大蒜燴薯仔
4 views
0 likes
0 comments
魚煎得夠香，皮脆，但略腥，唔知係咪燴嘅湯汁累事。蒜味唔出，大蔥更出，薯仔無乜味。老實講比較失望。
-
🍴伯爵茶
伯爵茶
7 views
0 likes
0 comments
餐茶揀左伯爵茶，Twinings嘅伯爵茶依舊香味撲鼻，一定遠比杯水同魚柳好。
-
🍴綠茶拿破崙
綠茶拿破崙
5 views
0 likes
0 comments
Set Lunch 甜品有半價優惠🎉
聽見有綠茶拿破崙當然要試下⋯賣相色睇繽紛，雜果選擇多，應該面頭有淋上芒果糖醬，平衡酸度，但唔會過甜。
拿破崙唔係薄身酥皮果種，而係偏厚身近似餅乾果種，中間係吉士加芒果，餡料對比餅身較少，入口偏乾，勝在味道唔錯，唔食芒果嘅我都照食晒落肚⋯
-
Set Lunch食物質素只算中等，不過餐廳風景優美，坐得舒服，店員有耐性又反應快，服務良好，係個唔錯嘅望海放空之選😌
Post
